God beweeg oor grense
Matteus 2:1-12
1Jesus is in die dorp Hb Betlehem gebore. Dit is in die landstreek van Judea. In daardie tyd was Herodes die Grote die koning van die mense in Palestina. ’n Paar sterrekenners uit die ooste het kort na Jesus se geboorte in Jerusalem aangekom… 11Die sterrekenners het toe daar ingegaan. Toe hulle Jesus sien, het hulle dadelik op hulle knieë neergeval. Uit respek het hulle laag op die grond voor Hom gebuig. Toe maak hulle hulle bagasie oop en haal ’n klompie geskenke uit wat hulle vir Hom saamgebring het: goud, wierook en mirre. 12Later het die geleerdes weer ’n droom gehad. ’n Engel het hulle gewaarsku om nie na Herodes toe terug te gaan nie. Hulle het toe met ’n ander pad na hulle eie land teruggegaan.
Het jy al ooit met iemand van ʼn ander land gesels? Wat van iemand van ʼn ander geloof? Dit kan partykeer vreemd voel om met iemand van ʼn ander geloof te gesels, omdat julle oor iets baie persoonlik verskil.
Hierdie gedeelte vertel van Jesus se geboorte en die verskillende mense in daardie tyd. Koning Herodes was baie ontsteld omdat daar ʼn nuwe koning gebore is en hy wou vir Jesus laat doodmaak. Maar omdat die 3 wyse manne God se stem gehoor het en aan Hom gehoorsaam was, het hulle besluit om nie vir Herodes te vertel waar Jesus is nie.
Hierdie storie maak ʼn moeilike gesprek met mense van ʼn ander agtergrond en geloof eintlik baie makliker. Hoekom? Hierdie verhaal wys ons dat God nie net met Christene praat nie en dat Christene nie die enigste mense in God se skepping is wat volgens Sy beeld geskep is nie. Hierdie drie wyse manne van ʼn ander land, kultuur en geloof het gehelp om Jesus en Sy gesin veilig te hou!
God beweeg oor grense!
Gebed: Here, baie dankie dat U die mensdom so divers gemaak het. Help my om te onthou dat al mag ons van mekaar verskil, dat U die hele skepping liefhet. Baie dankie dat ons die vryheid het om ons geloof so voluit te leef. Amen.
Uitdaging: Maak ʼn vriend van ʼn ander geloof. Maak seker dat jy hulle en hul geloof met baie respek hanteer. Die doel van hierdie vriendskap is om meer van mekaar te leer en te verstaan (en sodoende meer van God te leer), nie om jou vriend se geloof af te breek of sleg te sê nie.
God is “Ek is”, nie “Wat as?” nie
Filippense 4:6-7
6Moenie oor dinge sit en tob of jou bekommer nie. Gaan praat met God daaroor. Bespreek dit met Hom. Vertel Hom hoe jy daaroor voel. Sê dan vir Hom dankie dat jy met Hom daaroor kan praat en dat Hy die beste weet. Jy sal dan verlig en tevrede voel. Jy sal hierdie verligte gevoel nie altyd kan verklaar of wetenskaplik kan uitlê nie. Omdat jy egter weet dat jy aan Jesus behoort, sal jy nie meer omgekrap voel nie. 7Hierdie wete dat Jesus by jou is, sal keer dat die bekommernisse weer met jou emosies weghardloop of dat jy jou weer van voor af begin bekommer.
Het jy al langs ‘n groot dam of ‘n rivier in die natuur gaan sit? Is dit nie wonderlik hoe kalmerend dit kan wees nie? God se vrede is selfs beter as om langs ‘n rivier stil te raak.
God is altyd by ons, daarom kan ons enige tyd bid. As ons met vreugde lewe en onthou hoe God ons liefhet, sal God se vrede ons harte en ons gedagtes vol maak. Die moeilikheid kom wanneer ons God uit die prentjie probeer neem.
God is nie ‘n “Wat as?” God nie; Hy is ‘n “Ek is” God. Ons angs, stres en bekommernisse begin by “Wat as?” Maar ons moet seker wees van God se liefde en voorsiening vir ons (want dit is deel van wie Hy is). Dan kan ons volle vrede hê, omdat ons weet dat niks buite God se hande is nie.
God is “Ek is”, nie “Wat as?” nie.
Gebed: Vader God, dankie dat U altyd dieselfde is. Dankie dat ek nie die hele dag hoef te wonder “Wat as?” nie, maar dat ek U vrede kan geniet, omdat ek weet U is naby… Amen.
Uitdaging: Is daar iets waarvoor jy dankbaar kan wees? Begin vandag en maak ‘n gewoonte om vir God dankie te sê vir die wonderlike dinge wat Hy in jou lewe doen.
Onthou! God is teenwoordig
Filippense 4:6
6Julle moenie bekommerd wees nie. Julle moet ernstig bid tot God, julle moet vir Hom sê wat julle nodig het en julle moet vir Hom dankie sê daarvoor.
’n Vreugdevolle persoon is iemand wat weet dat God in beheer is en te alle tye by hulle staan. Soms raak ons so vasgevang in die middel van alles wat rondom ons gebeur, dat ons dit vergeet. Dit is maklik om vergeetagtig te word.
Stel jou voor ons het goed daarin geraak om van God se teenwoordigheid te onthou. Sou dit die manier waarop ons leef, verander? In hierdie vers is die primêre idee nie dat ons ons nie moet bekommer nie, maar eerder dat God omgee. As ons bid, moet ons God kan vra vir die dinge wat ons nodig het.
Wanneer God vir ons voorsiening maak, moet ons nie net daarvan vergeet nie, maar dankbaar wees. Dit is nog ‘n manier om ons vreugde te wys. Ons moenie bang wees om vir God te vra vir die dinge wat ons nodig het nie. Hoe meer ons vertrou dat God omgee vir ons, hoe minder sal ons in elk geval wil bekommerd wees.
Onthou! God is teenwoordig.
Gebed: Here, maak my asseblief iemand wat onthou. Help my asseblief om te onthou dat U vir my is en nie teen my nie. Dan kan ek dankbaar wees, want ek sien hoe U vir my voorsien… Amen.
Uitdaging: Vind ‘n manier om jouself te herinner aan God se teenwoordigheid in jou lewe. Dalk is dit ‘n prentjie wat jy kan teken en op jou muur sit. Miskien kan jy jou selfoon se agtergrond verander na ‘n Bybelvers – soos die agtergrond wat ons saam gestuur het?
Vreugde en frustrasie gaan nie saam nie
Filippense 4:5
5Julle moet vriendelik en geduldig wees met al die mense, want die Here sal gou weer kom!
Wanneer dinge moeilik raak, is dit maklik om opgewen en geïrriteerd te word. Ons moet dit nie op ander uithaal nie. Ons kan nie werklik vreugde hê en op dieselfde tyd gefrustreerd bly nie. Dit maak net nie sin nie.
In hierdie vers vertel Paulus aan die mense dat hulle in vriendelikheid en geduld moet lewe. Dit is ‘n manier om vreugde uit te druk. As ons vreugde in God het, weet ons dat Hy dinge onder beheer het en ons weet ons kan na Hom toe gaan as ons sukkel.
In die tyd van Paulus en die disippels het hulle gewag dat Jesus weer binnekort sou terugkom. As ons afwagting het vir God om ons te vorm en ons omstandighede te verander, volg vreugde van nature en daarom kan ons vriendelik en geduldig wees met almal om ons… Net soos wat God met ons is.
Vreugde en frustrasie gaan nie saam nie.
Gebed: Here God, help my om U raak te sien terwyl ek deur my moeilike tye (Noem dit – Eksamens? Familie? Depressie?) gaan. Help my om my vreugde in U uit te druk deur geduldig en vriendelik te wees met almal om my, selfs wanneer dinge verkeerd gaan… Amen.
Uitdaging: Vind maniere om vandag vriendelik en geduldig te wees. Hoe kan jy vandag vriendelikheid bewys aan iemand? Dalk is dit so maklik as om vir hulle voor ‘n eksamen te bid.
Wees vol vreugde!
Filippense 4:4
Julle behoort aan die Here. Daarom moet julle altyd bly wees! Ek sê dit weer, julle moet bly wees!
Soos die eksamenseisoen sterk aan die gang is, besef ons dat dit baie maklik kan wees om op te gee. Kan ons regtig vreugde hê as ons voel ons punte is nie wat ons wil hê hulle moet wees nie? Hoe hou ons ons koppe op wanneer dinge moeilik lyk?
Miskien verstaan ons nie regtig wat vreugde is nie. Die meeste van ons dink dat vreugde en geluk dieselfde is. ‘n Meme kan ons laat lag en ons gelukkig maak, maar kan dit ons regtig vreugde gee? Vreugde is anders as geluk, omdat vreugde nie ‘n gevoel is nie: Dit is ‘n karaktereienskap.
Hoe kan ons tydens ons eksamens vol vreugde in die Here wees? Hoe kan ons vreugde in die Here hê as dinge besig is om skeef te loop? God vertel ons verskeie kere dat Hy ons liefhet en dat Hy ons nie sal verlaat nie. Ons het vreugde, omdat God groter is as ons bekommernisse en gesukkel. Ons het vreugde omdat ons God se liefde ken.
Wees vol vreugde!
Gebed: Liewe God, U is soveel groter en wyser as wat ek ooit kan verstaan. Help my asseblief om U teenwoordigheid te ken. Help my ook om te verstaan dat as gevolg van U hoef ek nie bang te wees nie, maar kan ek vreugde hê… Amen.
Uitdaging: Neem elke dag tyd om saam met God in gebed deur te bring (dit werk die beste as jy dit skeduleer, sodat jy dit nie vergeet nie). Net soos om tyd saam met ‘n goeie vriend deur te bring, vertroosting bring, gee God ons ook vrede en vreugde wanneer ons voel ons wil opgee.
Prioritiseer jou lewe – #imagine maandae
Matteus 19:16-26
24…Dit is makliker vir ‘n kameel om deur die oog van ‘n naald te kom as vir ‘n ryke om in die koninkryk van God te kom.” 25 Toe die dissipels dit hoor, het dit hulle geweldig ontstel, en hulle het gesê: “Wie kan dan gered word?” 26 Jesus het reguit na hulle gekyk en gesê: “Vir mense is dit onmoontlik, maar vir God is alles moontlik.”
Het jy geweet dat Suid-Afrika bekend is vir ekstreme ongelykheid i.t.v inkomstes? Dit is een van die grootste ongelykhede in die wêreld! 10% van die hele bevolking verdien tussen 55%-60% van die totaal hier. Dit beteken minder as 10% van mense het meer as helfte van Suid-Afrika se geld. Sjoe! Dis rowwe wiskunde, daai.
Die verhaal van die ryk jong man is ‘n uitdagende een. Die ryk jong man is iemand wat al die gebooie mooi gevolg het, maar hy het steeds nie gevoel asof hy ‘n regte gelowige is nie. Dis hoekom hy vir Jesus gevra het wat hy nog kan doen om seker te maak hy kom in die hemel. Jesus het vir hom gesê hy moet teruggaan huis toe en al sy besittings verkoop en die geld vir die armes gee, en Hom kom volg.
Dit het die ryk jong man baie onstel want hy was baie lief vir sy besittings. Maar het Jesus bedoel dat dit sleg is om besittings te hê? Nee! Jesus wou vir hom uitwys dat sy prioriteite verkeerd is; hy is liewer vir sy besittings as vir God. Daar is niks wat jy ooit kan doen om in die hemel te kom nie – al wat daar is, is om vir God lief te hê. Rêrig lief te hê.
Prioritiseer jou lewe!
Gebed: Here, dankie dat u vir my lief is. Dankie dat al U wat U vereis, liefde is. Help my om my lewe so te prioritiseer dat my liefde vir U altyd eerste kom en die res van my lewe vorm gee.
Uitdaging: Maak ʼn lys van al die dinge wat vir jou die belangrikste is. Herrangskik daardie lys sodat God eerste kom, en kyk hoe jou lys dan moet verander sodat dit waarlik wys dat jy vir God lief is.
Vertel van God se versoening!
2 Korintiërs 5:18-19
God het vir ons die werk gegee om mense met Hom te versoen… Hy het vir ons gesê ons moet vir mense vertel dat God so vir hulle versoening gedoen het.
As jy goeie nuus ontvang, wie is die eerste persoon wat jy daarvan vertel? Baie van ons sal ons ouers vertel, dan vriende, dan ander. Net so word ons ook geroep om God se goeie nuus van versoening te deel met almal.
Is dit nie fantasties dat God ons wil gebruik om versoening te bring in die wêreld nie! Nie net het God ons met Homself versoen nie, maar Hy gee vir ons ook ʼn taak om deel te word aan Sy groot plan om herstel te bring in die wêreld. God het ons so lief dat Hy aan ons so ʼn besonderse groot taak toevertrou.
Soos wat ons om ons kyk, is daar versoening nodig. Dalk moet jy nog ʼn vriend vergewe vir iets wat jy teen hulle hou. Dalk moet jy weer vrede bring tussen twee ander mense en hulle help om te herstel. Maar ons kan en moet ook ander vertel van die versoeningswerk wat God gedoen het deur Jesus na ons toe te bring.
Vertel van God se versoening!
Gebed: Here, dankie dat U my wil gebruik om herstel te bring in die wêreld om my. Help my om vrymoedig genoeg te wees om ander te vertel van die versoening wat U bring… Amen.
Uitdaging: Doen een van die volgende: 1. Probeer ʼn verhouding herstel en vra vir vergifnis as jy iemand seergemaak het. 2. Probeer om in te staan vir die konflik van jou vriende en probeer om daar vrede te bring. 3. Vertel iemand van God se plan om die wêreld te versoen.
Vertel van God se versoening!
2 Korintiërs 5:18-19
God het vir ons die werk gegee om mense met Hom te versoen… Hy het vir ons gesê ons moet vir mense vertel dat God so vir hulle versoening gedoen het.
As jy goeie nuus ontvang, wie is die eerste persoon wat jy daarvan vertel? Baie van ons sal ons ouers vertel, dan vriende, dan ander. Net so word ons ook geroep om God se goeie nuus van versoening te deel met almal.
Is dit nie fantasties dat God ons wil gebruik om versoening te bring in die wêreld nie! Nie net het God ons met Homself versoen nie, maar Hy gee vir ons ook ʼn taak om deel te word aan Sy groot plan om herstel te bring in die wêreld. God het ons so lief dat Hy aan ons so ʼn besonderse groot taak toevertrou.
Soos wat ons om ons kyk, is daar versoening nodig. Dalk moet jy nog ʼn vriend vergewe vir iets wat jy teen hulle hou. Dalk moet jy weer vrede bring tussen twee ander mense en hulle help om te herstel. Maar ons kan en moet ook ander vertel van die versoeningswerk wat God gedoen het deur Jesus na ons toe te bring.
Vertel van God se versoening!
Gebed: Here, dankie dat U my wil gebruik om herstel te bring in die wêreld om my. Help my om vrymoedig genoeg te wees om ander te vertel van die versoening wat U bring… Amen.
Uitdaging: Doen een van die volgende: 1. Probeer ʼn verhouding herstel en vra vir vergifnis as jy iemand seergemaak het. 2. Probeer om in te staan vir die konflik van jou vriende en probeer om daar vrede te bring. 3. Vertel iemand van God se plan om die wêreld te versoen.
Prioritiseer jou lewe
Matteus 19:16-26
24…Dit is makliker vir ‘n kameel om deur die oog van ‘n naald te kom as vir ‘n ryke om in die koninkryk van God te kom.” 25 Toe die dissipels dit hoor, het dit hulle geweldig ontstel, en hulle het gesê: “Wie kan dan gered word?” 26 Jesus het reguit na hulle gekyk en gesê: “Vir mense is dit onmoontlik, maar vir God is alles moontlik.”
Het jy geweet dat Suid-Afrika bekend is vir ekstreme ongelykheid i.t.v inkomstes? Dit is een van die grootste ongelykhede in die wêreld! 10% van die hele bevolking verdien tussen 55%-60% van die totaal hier. Dit beteken minder as 10% van mense het meer as helfte van Suid-Afrika se geld. Sjoe! Dis rowwe wiskunde, daai.
Die verhaal van die ryk jong man is ‘n uitdagende een. Die ryk jong man is iemand wat al die gebooie mooi gevolg het, maar hy het steeds nie gevoel asof hy ‘n regte gelowige is nie. Dis hoekom hy vir Jesus gevra het wat hy nog kan doen om seker te maak hy kom in die hemel. Jesus het vir hom gesê hy moet teruggaan huis toe en al sy besittings verkoop en die geld vir die armes gee, en Hom kom volg.
Dit het die ryk jong man baie onstel want hy was baie lief vir sy besittings. Maar het Jesus bedoel dat dit sleg is om besittings te hê? Nee! Jesus wou vir hom uitwys dat sy prioriteite verkeerd is; hy is liewer vir sy besittings as vir God. Daar is niks wat jy ooit kan doen om in die hemel te kom nie – al wat daar is, is om vir God lief te hê. Rêrig lief te hê.
Prioritiseer jou lewe!
Gebed: Here, dankie dat u vir my lief is. Dankie dat al U wat U vereis, liefde is. Help my om my lewe so te prioritiseer dat my liefde vir U altyd eerste kom en die res van my lewe vorm gee.
Uitdaging: Maak ʼn lys van al die dinge wat vir jou die belangrikste is. Herrangskik daardie lys sodat God eerste kom, en kyk hoe jou lys dan moet verander sodat dit waarlik wys dat jy vir God lief is.
Vreugde en frustrasie gaan nie saam nie
Filippense 4:5
5Julle moet vriendelik en geduldig wees met al die mense, want die Here sal gou weer kom!
Wanneer dinge moeilik raak, is dit maklik om opgewen en geïrriteerd te word. Ons moet dit nie op ander uithaal nie. Ons kan nie werklik vreugde hê en op dieselfde tyd gefrustreerd bly nie. Dit maak net nie sin nie.
In hierdie vers vertel Paulus aan die mense dat hulle in vriendelikheid en geduld moet lewe. Dit is ‘n manier om vreugde uit te druk. As ons vreugde in God het, weet ons dat Hy dinge onder beheer het en ons weet ons kan na Hom toe gaan as ons sukkel.
In die tyd van Paulus en die disippels het hulle gewag dat Jesus weer binnekort sou terugkom. As ons afwagting het vir God om ons te vorm en ons omstandighede te verander, volg vreugde van nature en daarom kan ons vriendelik en geduldig wees met almal om ons… Net soos wat God met ons is.
Vreugde en frustrasie gaan nie saam nie.
Gebed: Here God, help my om U raak te sien terwyl ek deur my moeilike tye (Noem dit – Eksamens? Familie? Depressie?) gaan. Help my om my vreugde in U uit te druk deur geduldig en vriendelik te wees met almal om my, selfs wanneer dinge verkeerd gaan… Amen.
Uitdaging: Vind maniere om vandag vriendelik en geduldig te wees. Hoe kan jy vandag vriendelikheid bewys aan iemand? Dalk is dit so maklik as om vir hulle voor ‘n eksamen te bid.
Liefde verander die wêreld
Ek onthou ’n liedjie van Michael W Smith uit my jong dae: Love one another. Kyk net hoe mooi is die lirieke:
I had a dream that I was speaking
With a prophet from the land of wise
In a crowd of people from the land of troubled hearts
I said we’ve come here for answers
A solution to our world’s demise
He said the journey would be long
But here’s where you start
Love one another
Love one another
Work it in to work it out
There could never be enough
Love one another
Love one another
Cause you know without a doubt
You can change your world with love
It was a simple conclusion
But I thought that it was rather profound
Just a fundamental law that we should all live by
I took it in to tomorrow
Yea, I walked the earth but I never found
Any corner of the world
Where this did not apply
And looking out I saw no method to the madness there
Like in a vision from the Isle of Patmos, I was scared
It was a revelation
Love is getting rare
The people of the land united
And in my dream we all agreed
That we should start again
And this would be our creed
Love one another
Love one another
Work it in to work it out
There could never be enough
Love one another
Love one another
Cause you know without a doubt
You can change your world with love
In Bybelse taal klink dit so: 12My gebed is dat die Here julle baie lief vir mekaar sal maak. En ook vir ander mense. Mag julle liefde net sterker en sterker word. Julle moet net so lief wees vir ander as wat ek nou vir julle is.
Ai, kan dit nie ook ons credo, ons lewensleuse wees nie!
Teks
1 Tessalonisense 3:11-13
Om oor na te dink
Hoe sterk loop jou liefde vir ander?
Wat is jou lewensleuse?
Hoe sterk staan jou eie ek nog?
Gebed
Vader, U gee vir ons die voorbeeld van liefde wat sterk loop vir ander. Gee my die krag om die eie ek te laat terugstaan. Gee my die krag om orals waar ek gaan U liefde te saai, want dan sal die wêreld anders lyk. Amen.
Bid vir mekaar, want dit werk!
Ek onthou nog die dae toe ek betrokke was by die fabriek. Vroeg soggens, as die slaap my ontwyk, het ek sommer begin bid vir al die mense wat saam met my gewerk het. Sommige van hulle se name het ek nie eers onthou nie, maar dan verwys ek na daardie ses manne wat die produkte uit die moulds haal of die hopie vrouens wat die fabriek skoonhou. Ek is seker daarvan God weet van wie ek praat. Vir baie van die mense was dit die eerste keer dat iemand vir hulle bid.
Ek onthou nog van my gebede. Die een was vir die hoofman in die fabriek wat wéér gegaan het vir sy motorlisensie en ja, dit die keer wel gemaak het. Ek glo in gebed. Ja, selfs vir sulke goeters. Dit is nie omdat dit ek is wat gebid het nie, maar omdat God en gebed kragtig is.
Ek glo daarin!
Paulus glo ook in gebed en daarom bid hy gedurig vir sy lesers: 12My gebed is dat die Here julle baie lief vir mekaar sal maak. En ook vir ander mense. Mag julle liefde net sterker en sterker word. Julle moet net so lief wees vir ander as wat ek nou vir julle is.
Paulus glo dat sy gebed of gesprek met God ’n verskil kan maak. Hy glo dat God sy gebed hoor, maar nog méér: Dat God sal reageer en iets doen. Paulus hou aan met bid, want in sy lewe het gebed al te veel reggekry om nie te bid nie.
Dit help nie ons bid as ons nie glo dat God luister nie. Lees weer die sin, want dit maak eintlik baie sin. Ja, bid ons nie dikwels met ’n gevoel van probeer-en-tref nie? Soms bid ons, maar ons glo nie eintlik dat dit enige verskil gaan maak nie.
As jy egter wel glo in gebed, moet jy aanhou bid. Soveel as moontlik. Bid vir familie en vriende. Ek het dit al so baie gesê, maar ek glo regtig dat dit my moeder se gebede is wat ons hoop kinders op die pad gehou het. Ons moet baie en ernstig bid vir mekaar, want dit werk!
En soos Paulus voorstel, is die beste ding waarvoor ons vir mekaar kan bid, die liefde. Soos die spreekwoord sê: Love makes the world go round. Dis die petrol waarop ons deur die lewe loop. Daar waar liefde is, word die haat en seer weggedruk. Dan gaan dit beter, want mense gee vir mekaar om. Ander mense raak belangriker as die eie ek.
Op ’n manier vra ons seker dat ons so ’n bietjie van ons eie stoel sal afklim en eerste aan die ander een se behoeftes sal dink. Dit is waarvoor ons vir mekaar moet bid. Wanneer die liefde by elkeen van ons posvat, sal die wêreld handomkeer verander.
Hier is die opdrag: Bid vir jou familie, vriende, werknemers, werkgewers, kollegas, onderwysers en selfs die ouens wat jy nie so goed ken nie. Bid dat die liefde van God ’n werklikheid in hulle lewens sal word. Bid ook dat God in hulle lewens sal woel en dat die sonde al hoe minder in hulle lewens sal opduik.
Teks
1 Tessalonisense 3:11-13
Om oor na te dink
Glo jy regtig in gebed?
Vir wie moet jy nou bid?
Hoe sterk is jou liefde vir ander?
Gebed
Vader, U leer ons van die liefde. Help ons om U voorbeeld te volg en mekaar lief te hê. Help ons om ons lippetaal om te sit in dade sodat ons liefde sigbaar kan word. Amen.
Verras deur ‘n tienerseun – #imagine maandae
1 Timoteus 4:12-16
12 Niemand mag op jou neersien omdat jy jonk is nie, maar wees jy vir die gelowiges ‘n voorbeeld in woord en gedrag, in liefde, geloof en reinheid…14 Moenie die genadegawe wat jy het, verwaarloos nie…
“Leierskap gaan nie oor ʼn titel nie. Dit gaan oor impak, invloed, en inspirasie.” Robin S. Sharma.
Ons almal ken leiers – goeies en slegtes. Wanneer ons dink aan goeie leiers, watter eienskappe staan vir jou uit? Dis min dat ons dink aan goeie leiers wat jonk is, of baie oud is. Ons wil graag dink aan leiers wat goed praat of perfekte lywe het, maar sukkel om te dink aan goeie leiers wat nie die eienskappe het nie.
Paulus herinner ons in hierdie teks dat dit nie saak maak wie ons is en al die verskillende fasette van ons identiteit nie, God gebruik ons net daar waar ons is, net soos ons is.
So wat maak ʼn goeie leier? Hierdie teks herinner ons dat om werklik ʼn goeie leier te wees, moet ons aan God se roepstem gehoorsaam wees en die waagmoed hê om daarop te reageer!
God roep jou!
Gebed: Here, dankie dat ek kan weet dat u ʼn plan het met my lewe. Dankie dat u my persoonlik geroep het en my bystaan om daardie roeping te ontdek en uit te leef. Here, help my asseblief om te volhard hierin en nie vasgevang te word met denke oor wat met my fout kan wees nie.
Uitdaging: Dink aan ʼn gewone week in jou lewe. Hoe kan jy die mense met wie jy daagliks in aanraking kom, beïnvloed? Vra ook vir God vir wie jy ʼn mentor kan wees
God maak ons nuut!
2 Korintiërs 5:17
As iemand aan Christus behoort, dan het God daardie persoon ‘n nuwe mens gemaak. Die persoon se ou lewe is verby, ja, hy het ‘n nuwe lewe gekry.
Wanneer laas het jy ‘n fliek gekyk of storie gelees waar ‘n karakter uit hulle dop uit breek om heeltemal te verander aan die einde? Dalk is hulle baie skaam, en dan leer hulle self vertroue, of dalk kom hulle in aanraking met iemand wat hulle lewens op ‘n ander koers sit.
Baie van die flieks wat ons kyk en stories wat ons lees is wel baie onrealisties. Partykeer dink ek ons vind dit ook moeilik om te glo dat God ons so radikaal kan verander. Maar Hy doen. As ons aan Jesus behoort, dan verander dit die kern van wie ons is. Ons word koningskinders en daarom verander God se liefde ons om elke dag meer soos Jesus te word.
Dit is nie ons wat verander wie ons is nie, maar dit is God wat ons transformeer. As ons God ontmoet dan wil ons ook nie dieselfde mense wees wat ons was voor ons God geken het nie. Die nuwe lewe wat God vir ons gee in Jesus maak wie ons is ook heeltemal nuut.
God maak ons nuut!
Gebed: Here, ek wil U net vandag loof dat U vir my sorg. Ek wil U net elke dag dieper leer en die lewe wat U aanbied te neem en Jesus se liefde uit te leef aan die mense rondom my… Amen.
Uitdaging: Het jy al ooit ʼn voorwerp wat jy sou weggooi omskep in iets anderste in? Kyk of jy iets kan omskep die week as ʼn refleksie van die manier wat God jou nuut gemaak het.
Ons verhouding met God is reggestel!
2 Korintiërs 5:18
Dit is God wat al hierdie dinge gedoen het. Hy het ons met Hom versoen omdat ons aan Christus behoort. God het vir ons die werk gegee om mense met Hom te versoen.
Woah… Wag ʼn bietjie… Wat beteken die woord versoen? Om te versoen beteken gewoonlik dat ʼn verhouding wat opgebreek is, herstel word. Gewoonlik, wanneer gebroke verhoudings bestaan, kan versoening gebeur as mense mekaar vergewe. Omdat die mensdom al van Adam af gereeld teen God sondig, het ons ook versoening nodig. Ons verhouding met God moet reggestel word.
Wanneer God na Jesus kyk, is daar geen fout wat Hy in Jesus vind nie. As ons aan Jesus behoort, word ons ook met dieselfde oë gesien. As ons aan Jesus behoort, kan ons verhouding met God herstel word. Dis wanneer hierdie verhouding herstel word, dat ons ʼn nuwe mens word (soos ons ook gister gesê het).
Dis amazing om te weet dat, al rig ons skade aan die verhouding tussen ons en God, Hy nog steeds kies om ons lief te hê en die verhouding te herstel. Ons vat nie die eerste stappie van versoening nie, God doen. God is vasbeslote om na ons toe te kom om Sy liefde met ons te deel.
Ons verhouding met God is reggestel!
Gebed: Here, dankie dat U my in U liefde najaag en dat U die eerste stappie van versoening neem. Ek bid dat ek net elke dag meer en meer sal verstaan wat dit beteken om aan Jesus te behoort. Dankie dat ek met U kan praat omdat Jesus vir my versoening gebring het. Amen.
Uitdaging: Dink na oor die maniere waarop God jou nuut gemaak het in Jesus. Watter groot veranderinge sien jy raak? Maak seker om later ʼn gebed van dankbaarheid te bid oor die maniere waarop God jou omskep het in ʼn nuwe mens.
God wil ons nader trek!
2 Korintiërs 5:19
Dit beteken dat God die wêreld met Hom versoen het omdat mense aan Christus behoort. Hy het die sonde wat mense gedoen het, nie gestraf nie. En Hy het vir ons gesê ons moet vir mense vertel dat God so vir hulle versoening gedoen het.
Versoening (kyk na gister se verduideliking van die woord as jy dit gemis het) is nie net vir my en vir jou nie… wel, nie net as individue nie. Deur Jesus wil God die wêreld met Homself versoen. Hy wil al die gebrokenheid in die wêreld omskep in dinge wat mooi en goed is.
God se eerste plan met ons as mense is nie om ons te straf oor ons sondes nie. Ja, sonde het gevolge, maar God wil ons eerder nader aan Hom trek en versoening bring (versoening wat die hele wêreld verander). Vir God is versoening die eerste prys, eerder as om ons net oor Sy skoot te gooi en ons ʼn pakslae te gee.
Ons moet aanhoudend ons prentjie van hoe ons God sien, verander soos wat ons nuwe dinge oor God leer. Ons was nie gemaak om bang te wees vir God nie. God wil ons nie verwerp omdat ons sondig nie, maar Hy wil ons eintlik nader trek, versoening bring, sodat ons in Sy goeie vryheid kan leef.
God wil ons nader trek!
Gebed: Here, ek weet dat ek nie altyd die beste doen vir my en vir ander nie, soms sondig ek. Maar dankie dat U my nie daaroor wil verlaat nie, maar dat U my eintlik wil herstel en ʼn nuwe mens maak… Amen.
Uitdaging: Speel hierdie aanbiddingsliedjie van youtube as jy kans kry (waarskuwing – dit gaan heelwat data neem): https://youtu.be/RctWcSC6QNE. God is getrou in die manier waarop Hy versoening wil bring.
Johnny, die sak pakker by die kettingwinkel, het pas 'n kursus by die kerk bygewoon waarin hulle aangemoedig is om 'n verskil in die...
