NIE EEN VAN ONS IS NET PER TOEVAL HIER OP AARDE NIE.

NIE EEN VAN ONS IS NET PER TOEVAL HIER OP AARDE NIE.

Spreuke 19:11 "Baie planne is in ’n man se hart, maar die raad van die Here, dié sal bestaan".

Ons almal wonder een of ander tyd: "Wat is die doel van my lewe en hoekom is ek hier op aarde?

Navorsing het bewys dat soveel as 80% van mense nie gelukkig is nie en nie doen waarvan hulle hou of weet wat hulle veronderstel is om te doen nie.

Ek wil jou vandag help om in 'n paar minute te verstaan waarvoor jy gemaak. 

Efesiërs 2:10 "Want ons is Sy maaksel, geskape in Christus Jesus tot goeie werke wat God voorberei het, sodat ons daarin kan wandel.

Genesis 1:31 "Toe sien God alles wat Hy gemaak het, en — dit was baie goed".

Jy is baie goed gemaak sodat jy die goeie dinge wat God in jou geplaas het met ander kan deel en sodoende ander en jouself gelukkig maak en kan deel wees van God se vreugde en blydskap.

Die vraag natuurlik is: "Hoe doen ek dit?

Daar is basies vyf vrae wat 'n mens vir homself moet vra en antwoord om vas te stel hoekom hy hier is en wat hy veronderstel is om te doen?

1.Wie is ek?

2. Wat hou ek van om te doen?

3. Vir wie doen ek dit?

4. Wat het hulle vir wie ek dit doen 

     nodig?

5.Hoe verander dit wat ek  doen die 

    lewens van hulle vir wie ek dit doen?

1. WIE IS EK.

Ek en jy is deur God geskape om Sy beeld en gelykenis hier op aarde te reflekteer.

Genesis 1:26 "En God het gesê: Laat Ons mense maak na ons beeld, na ons gelykenis".

Efesiërs 2:10 "Want ons is Sy maaksel, geskape in Christus Jesus tot goeie werke wat God voorberei het, sodat ons daarin kan wandel".

Ons is soos Jesus, een met ons Vader en gemaak om Sy wil hier op aarde uit te voer - 1 Johannes 4:15 "Elkeen wat bely dat Jesus die Seun van God is — God bly in hom, en hy in God".

2. WAT HOU EK VAN OM TE DOEN?

Ons is almal uniek met begeertes en spesiale talente. Dit wat jy van hou en vir jou maklik is om te doen is gewoonlik jou gawe.

In die ou testament het hulle wat kunsvaardig was aan die tabernakel gewerk Eksodus 35:10 "En almal wat kunsvaardig is onder julle, moet kom en alles maak wat die Here beveel het".

In die nuwe testament is ons die tempel waarin God woon en moet ons ons gawes gebruik om ander te bedien.

Romeine 12:12-18 "Maak voorsiening in die behoeftes van die heiliges; streef na gasvryheid;

seën die wat julle vervolg, seën en moenie vervloek nie;

wees bly met die wat bly is, en ween met die wat ween;

wees eensgesind onder mekaar; moenie na hoë dinge streef nie, maar voeg julle by die nederige; moenie eiewys wees nie;

vergeld niemand kwaad vir kwaad nie; bedink wat goed is voor alle mense;

as dit moontlik is, sover as dit van julle afhang, leef in vrede met alle mense.

3. VIR WIE DOEN EK DIT?

Ons moet net soos Jesus rondgaan en ons talente gebruik om mense se lewens te verbeter en so ver moontlik hulle ook genees -  Handelinge 10:38 "met betrekking tot Jesus van Násaret, hoe God Hom gesalf het met die Heilige Gees en met krag. 

Hy het die land deurgegaan, goed gedoen en almal genees wat onder die mag van die duiwel was, omdat God met Hom was".

Ons is nie almal in bediening nie maar God is net soos met Jesus by elkeen van ons.

As jy 'n onderwyser is wees die beste onderwyser en maak dit jou missie om ook ander te inspireer om onderwysers te word, maak nie saak watter beroep jy van hou nie, wat jou beroep ook mag wees, doen dit om mense se lewens te verbeter.

Dit wat jy vir ander doen, doen jy vir die Here.

4. WAT HET HULLE VIR WIE EK DIT DOEN NODIG?

Mense het verskillende behoeftes en jy het unieke gawes en talente om sekere behoeftes te vervul.

Nie almal kan skilder nie en dit help nie om byvoorbeeld te skilder as jy nie talent daarvoor het nie.

Maak dit jou missie om dit wat jy doen goed te doen sodat jy ander mense se lewens verryk en ook genoeg geld maak om ander te kan help.

Jy kan dalk nie op die oomblik iemand finansieel help nie maar jy kan jou tyd gee en uitreik en iemand ondersteun of vrywillig by 'n  gemeenskap-projek begin werk.

Mattheus 25:37-40 "Dan sal die regverdiges Hom antwoord en sê: Here, wanneer het ons U honger gesien en gevoed; of dors, en te drinke gegee?

En wanneer het ons U ’n vreemdeling gesien, en herberg gegee; of naak, en geklee?

En wanneer het ons U siek gesien of in die gevangenis, en na U gekom?

En die Koning sal antwoord en vir hulle sê: Voorwaar Ek sê vir julle, vir sover julle dit gedoen het aan een van die geringstes van hierdie broeders van My, het julle dit aan My gedoen".

5. HOE VERANDER DIT WAT EK DOEN MENSE SE LEWENS?

Jy gaan net werklik gelukkig en vervuld voel en jou skeppingsdoel uitleef wanneer dit wat jy doen nie net jou eie lewe verryk nie maar die lewens van ander.

Net soos 'n vrugteboom nie sy eie vrugte eet nie moet ons ook nie ons talente en gawes gebruik om net onsself te verryk nie.

Deel dit wat jy het uit, hoe meer jy gee van wat jy het hoe meer ontvang jy terug.

As jy liefde gee ontvang jy liefde, as jy vriendelik is sal ander vriendelik teenoor jou wees, as jy genadig is sal daar vir jou genade wees.

Markus 4:24-25 "En Hy het vir hulle gesê: Pas op wat julle hoor; met die maat waarmee julle meet, sal vir julle gemeet word, en daar sal bygevoeg word vir julle wat hoor.

Want wie het, vir hom sal gegee word; en wie nie het nie, van hom sal weggeneem word ook wat hy het.

Lukas 6:31-36" En soos julle wil hê dat die mense aan julle moet doen, so moet julle ook aan hulle doen.

En as julle dié liefhet wat vir julle liefhet, watter dank het julle? Want die sondaars het ook dié lief wat vir hulle liefhet.

En as julle goed doen aan die wat aan julle goed doen, watter dank het julle? Want die sondaars doen ook dieselfde.

En as julle leen aan dié van wie julle hoop om terug te ontvang, watter dank het julle? Want die sondaars leen ook aan die sondaars, om net soveel terug te ontvang.

Maar julle moet jul vyande liefhê en goed doen en leen sonder om iets terug te verwag, en julle loon sal groot wees; en julle sal kinders van die Allerhoogste wees; want Hy self is goedertieren oor die ondankbares en slegtes.

Wees dan barmhartig, soos julle Vader ook barmhartig is.

Om af te sluit " Jou skeppingsdoel is om jou talente te ontdek, te ontwikkel en ander se lewens daarmee te verryk.

As jy niks doen om ander se lewens te verryk nie is jy besig om die merk vir jou lewe te mis en gaan jy nooit werklik gelukkig en vervuld wees nie.

Mattheus 7:12 "Alles wat julle dan wil hê dat die mense aan julle moet doen, net so moet julle aan hulle ook doen; want dit is die wet en die profete".

GEBED

Vader open ons oë en verhelder ons verstand om te doen wat U wil hê ons moet doen.

SKRIFTE OM TE MEMORISEER

Efesiërs 2:10, Mattheus 7:12.

PERSOONLIKE VRAAG OM OOR NA TE DINK.

Waaroor gaan my lewe op die oomblik, oor myself en my probleme of oor hoe ek ander se lewens kan verryk en my skeppingsdoel uitleef?

DEEL ASSEBLIEF DIE BOODSKAP

Ek belowe 'n blikkie Coke sal nooit weer net 'n blikkie Coke wees ná hierdie boodskap nie.

Ek belowe 'n blikkie Coke sal nooit weer net 'n blikkie Coke wees ná hierdie boodskap nie.

Ek wens ons grootmense, ek ingesluit, kon meer soos hierdie seuntjie wees en die Here raaksien in elke liewe ding, maak nie saak wat. 

Hoop jul geniet dit wat hy raak gesien het, want ek hét. Hy was 'n regte Jesuskind en 'n voorbeeld vir ons almal.

Hierdie is 'n  baie goeie boodskap van 'n kind!

Die  storie van die Coca-Cola blikkie:

Hierdie stukkie  goeie nuus is ter nagedagtenis aan Abrie de Bruin.

Abrie is gebore 16.07..79 en oorlede 28..02.92.

Op13jr is hy deur 'n motoris doodgery.  'n Dag voor sy tragiese dood het hy die volgende nota op sy  lessenaar gelaat: 

Hoeveel Coca-Cola's het jy al gedrink en nooit eers gewonder hoekom die blikkie rooi is?

Wel hier is die storie:  "Die rooi stel  die bloed van Jesus voor.

Die swart strepies is die sonde wat jy doen.

Die wit is reinheid: Wanneer jy jou sonde bely, dan word jy rein. 

Coca-Cola staan vir  die volgende: 

     C-Come 

     O-on 

     C-children 

     A-Accept 

     C-Christ 

     O-our 

     L-Lord 

     A-Amen 

Die woorde Coke staan  vir: 

   C-Christus 

   O-ons 

   K-Koning 

   E-Ewig 

Agterop staan 340ml: In Klaagliedere 3:40 staan daar dat jy jou tot die Here moet bekeer.

As jy dit doen, gooi jy jou sondes weg soos die mannetjie agterop: Dan is jy 'n Koningskind.

Dit word voorgestel deur die kroon.

En as jy nog twyfel of jou sondes vergewe is dan kyk jy na die SABS-merk.

Dit is jou waarborg.

Wanneer die blikkie toe is en jy skud hom, dan kook hy oor as jy dit oopmaak.

Só is dit ook as jy tot bekering kom: Dit borrel binne-in  jou!

Hierdie is die laaste woorde van 'n jong kind wat Jesus in alles raakgesien het.

DIE WÊRELD HET MENSE NODIG WAT VRIENDELK, VRYGEWIG EN LIEFDEVOL IS

DIE WÊRELD HET MENSE NODIG WAT VRIENDELK, VRYGEWIG EN  LIEFDEVOL IS

Mattheus 6:25-32 "Moenie julle kwel oor jul lewe — wat julle sal eet en wat julle sal drink nie; of oor jul liggaam —wat julle sal aantrek nie. Is die lewe nie meer as die voedsel en die liggaam as die klere nie?

Kyk na die voëls van die hemel; hulle saai nie en hulle maai nie en hulle bring nie bymekaar in skure nie, en tog voed julle hemelse Vader hulle. *Is julle nie baie meer werd as hulle nie?*

WIE TOG ONDER JULLE KAN, DEUR HOM TE KWEL, EEN EL BY SY LENGTE VOEG?

Hierdie woorde van Jesus is seker die woorde wat elke mens, hoe ryk of arm behoort te hoor en deel van sy eie realiteit te maak.

Bekommernis is seker een van die goed in die wêreld wat die meeste bydra tot die onmin en probleme in die wêreld. Dit veroorsaak twyfel en skep vrees wat permanente woning in 'n mens se verstand inneem.

 

Die meeste mense wat behoeftig is voel bekommerd oor wat hulle more gaan eet en selfs wat hulle gaan aantrek en baie welaf of ryk mense is weer bekommerd dat hulle nie genoeg het om hulle wat behoeftig is te help nie want hulle is self bekommerd oor die toekoms as gevolg van alles wat in die land en die wȇreld op ‘n daaglikse basis gebeur.

Ons is so geneig om op ons eie behoeftes en probleme te fokus dat dit ons fokus van God afhaal wat almagtig, alwetend en alomteenwoordig is 

As 'n mens ook byvoorbeeld na winkelsentrums kyk dan bestaan winkelsentrums omtrent 80% en meer net uit klere winkels uit. Mense in ons land en reg oor die wêreld spandeer biljoene rande op klere in 'n jaar en baie koop dit selfs op krediet omdat hulle dit nie kontant kan koop of regtig bekostig nie.

Dit is kompleet asof mense in die westerse wêreld voel dat hulle waarde bepaal word deur wat hulle aantrek en hoe hulle lyk.

Kom ons kyk wat Jesus oor klere en hoe ons lyk gesê het toe Hy op aarde was.

Mattheus 6:28-32 "En wat kwel julle jul oor klere? Let op die lelies van die veld, hoe hulle groei; hulle arbei nie en hulle spin nie; en *Ek sê vir julle dat selfs Salomo in al sy heerlikheid nie bekleed was soos een van hulle nie*.

*As God dan die gras van die veld, wat vandag daar is en môre in ’n oond gegooi word, so beklee, hoeveel te meer vir julle, kleingelowiges?*

Daarom moet julle jul nie kwel en sê: Wat sal ons eet, of wat sal ons drink, of wat sal ons aantrek nie? Want na al hierdie dinge soek die heidene; want julle hemelse Vader weet dat julle al hierdie dinge nodig het".

Jesus het nie met vir ons gesê om onsself nie te bekommer nie, Hy het ook die antwoord gegee om van bekommernis ontslae te raak en sodoende vrees van sy krag te ontneem.

Mattheus 6:33-34 "Maar soek eers die koninkryk van God en Sy geregtigheid, en al hierdie dinge sal vir julle bygevoeg word. *Kwel julle dus nie oor môre nie, want môre sal hom oor sy eie dinge kwel.* Elke dag het genoeg aan sy eie kwaad".

Kom ons kyk eers wat God se koninkryk is - Lukas 17:21 "EN toe Hy deur die Fariseërs gevra is wanneer die koninkryk van God sal kom, het Hy hulle geantwoord en gesê: Die koninkryk van God kom nie met sigbare tekens nie.

En hulle sal nie sê: Kyk hier! of: Kyk daar! nie; want die koninkryk van God is binne-in julle".

Die Bybel wys ook vir ons wat die Koninkryk van God is in Romeine 14:17-18 "Want die koninkryk van God is nie spys en drank nie, maar geregtigheid en vrede en blydskap in die Heilige Gees. Want hy wat Christus hierin dien, is aan God welgevallig en by die mense geag.

Die ander ding wat ons moet soek om van vrees en bekommernis ontslae te raak benewens om die Koninkryk van God te soek is om God se geregtigheid te soek - " Maar soek eers die koninkryk van God *en Sy geregtigheid*, en al hierdie dinge sal vir julle bygevoeg word".

REGVERDIGMAKING DEUR DIE GELOOF IN JESUS CHRISTUS.

Romeine 3:21-24 "MAAR *nou is die geregtigheid van God geopenbaar sonder die wet*, terwyl die wet en die profete daarvan getuig,die geregtigheid naamlik van God deur die geloof in Jesus Christus vir almal en oor almal wat glo, want daar is geen onderskeid nie; want almal het gesondig en dit ontbreek hulle aan die heerlikheid van God en hulle word deur sy genade sonder verdienste geregverdig deur die verlossing wat in Christus Jesus is.

Hom het God voorgestel in sy bloed as ’n versoening deur die geloof, *om sy geregtigheid te bewys deurdat Hy die sondes ongestraf laat bly het* wat tevore gedoen is onder die verdraagsaamheid van God — *om Sy geregtigheid te toon in die teenwoordige tyd*, sodat Hy self regverdig kan wees en regverdig maak wie uit die geloof in Jesus is.

Waar is dan die roem? Dit is uitgesluit. Deur watter wet? Van die werke? *Nee, maar deur die wet van die geloof*. Ons neem dus aan dat die mens geregverdig word deur die geloof sonder die werke van die wet".

Die antwoord om van probleme en bekommernis ontslae te raak is om te besef dat jy uit genade gered is sonder om die wet te probeer onderhou, dit is geloof wat ons red en noudat ons gered is moet ons glo dat God se Koninkryk binne in ons is.

Ons moet ook glo dat ons regverdig is deur genade en dat God nie meer ons sondes toereken nie. Dit maak ons vry van die vloek van die wet en die gevolge van sonde. Al wat oorbly as die wet nie meer daar is nie is God se seën en nie vervloeking nie.

Romeime 10:3-8 "Abraham het in God geglo, en dit is hom tot geregtigheid gereken.

Maar aan hom wat werk, word die loon nie na guns toegereken nie, maar na verdienste; *aan hom egter wat nie werk nie, maar glo in Hom wat die goddelose regverdig, word sy geloof tot geregtigheid gereken*.

Soos Dawid ook die mens salig spreek aan wie God geregtigheid toereken sonder werke: Welgeluksalig is hulle wie se ongeregtighede vergewe en wie se sondes bedek is.

WELGELUKSALIG IS DIE MAN AAN WIE DIE HERE DIE SONDE NIE TOEREKEN NIE".

Om op te som wat ons vandag geleer het, ons moet besef dat God regverdig is en dat Hy ons gered het deur Sy genade. Hy het die wêreld regverdig gemaak deur die verlossing wat Jesus vir die mensdom gebring het en nie deur ons werke nie.

Noudat ons gered en geregverdig is moet ons God se Koninkryk in onsself soek en vind;  dit is geregtigheid, vrede en blydskap in die Heilige Gees.

Ons moet begin besef dat ons net soos God regverdig is en dat ons ook ons geregtigheid moet bewys deur mense, net soos God, hulle nie hulle oortredinge toe te reken nie, veral nie mense wat arm en behoeftig is; sodoende gaan ons vrede beleef en God se daaglikse voorsiening ontvang en permanent bly wees oor alles wat Hy vir ons doen.

Omdat ons glo dat ons deur die offer van Jesus geregverdig is moet ons nou glo dat ander ook regverdig is deur genade en nie wat hulle nog moet doen nie, hulle moet net soos ons bewus gemaak word van wat Jesus vir hulle gedoen het sodat hulle ook vry kan raak en God en Sy Koninkryk in hulleself ontdek en Sy voorsiening ontvang.

Ons natuurlike verstand wil mense eers aanvaar wanneer hulle goed is en nie meer volgens ons verwysingsraamwerk sleg is nie, terwyl ons geesmens of ware self hulle aanmoedig en hulle sien soos hulle in Christus is. Ons gees is nie dubbelhartig nie en sien nie dit wat mense doen in terme van die wet en goed en kwaad nie, ons gees is een gees met God (1 Korinthiërs 6:17) en sien deur geloof hoe die wet van die lewe in Christus mense transformeer om heilig en sonder gebrek voor Hom in liefde te wees.

Dit het regtig tot my deurgedring vanoggend, net soos God moet ons ons geregtigheid bewys deur mense nie te oordeel en veroordeel nie en te vergewe soos Hy ons vergewe. 

Ons moet mense sien soos hulle saam met ons in Christus en nie soos hulle in die vlees is nie. 2 Korinthiers 5:16: “Ons ken van nou af niemand meer na die vlees nie”.

Vergifnis is die sleutel om God se Koninkryk oop te sluit en ons ware identiteit te ontdek en al ons behoeftes te bevredig - Mattheus 6:9 14&15 "Vergeef ons ons skulde, soos ons ook ons skuldenaars vergewe; Want as julle die mense hulle oortredinge vergewe, sal julle hemelse Vader julle ook vergewe. Maar as julle die mense hulle oortredinge nie vergewe nie, sal julle Vader julle oortredinge ook nie vergewe nie".

Die vraag is hoeveel keer moet ek vergeef en die antwoord is eintlik oneindig baie.

Mattheus 18:21-22 "Toe kom Petrus na Hom en sê: Here, hoe dikwels sal my broeder teen my sondig en ek hom vergewe? Tot sewe maal toe?

Jesus antwoord hom: Ek sê vir jou, nie tot sewe maal toe nie, maar tot sewentig maal sewe toe".

In pleks daarvan om bekommerd en bang te voel begin Hom net dank vir alles wat jy het en wie jy in Christus is, wees in alles dankbaar en besef dat God en Sy Koninkryk binne in jou is.

Spandeer tyd om stil te raak en wag om Sy stem te hoor, Christus is die wysheid en krag van God binne in jou en wanneer jy bewus van Hom raak lei Hy jou soos 'n herder Sy skape lei, Hy neem jou na waters waar rus is, Hy verkwik jou siel en lei jou na paaie van geregtigheid on Sy Naam ontwil.

Wanneer jy soos Hy jou vyande liefhê en mense hulle oortredinge nie toereken en onvoorwaardelik vergewe word al jou behoeftes voorsien na Sy rykdom in genade.

Sonder vrees en bekommernis raak ons mense wat liefdevol, vrygewig en vriendelik is, mense in wie Christus gestalte verkry, mense wat die wêreld vandag regtig nodig het, wees een van hulle deur jou geloof in die Here Jesus Christus.

DEEL ASSEBLIEF HIERDIE GOEIE NUUS MET VRIENDE EN KOLLEGAS

AL VAL DAAR DUISEND AAN JOU SY EN TIENDUISEND AAN JOU REGTERKANT - NA JOU SAL DIT NIE AANKOM NIE.

AL VAL DAAR DUISEND AAN JOU SY EN TIENDUISEND AAN JOU REGTERKANT - NA JOU SAL DIT NIE AANKOM NIE.

1 Johannes 1:5-7 "EN dit is die verkondiging wat ons van Hom gehoor het en aan julle verkondig: God is lig, en geen duisternis is in Hom nie.

As ons sê dat ons met Hom gemeenskap het en in die duisternis wandel, dan lieg ons en doen nie die waarheid nie.

Lees verder of luister op audio by:

https://soundcloud.com/user-137403630/al-val-daar-duisend-aan-jou-sy

Maar as ons in die lig wandel soos Hy in die lig is, dan het ons gemeenskap met mekaar; en *die bloed van Jesus Christus, sy Seun, reinig ons van alle sonde*.

Hierdie gedeelte in die Bybel wys vir ons een van God se grootste eienskappe, Hy is lig en word glad nie deur duisternis geaffekteer of geïntimideer nie. 

Vrees en bekommernis is nie iets wat Hy geskep het nie, Hy het ons na Sy beeld en gelykenis geskep en ons 'n gees van liefde, krag en selfbeheersing gegee. 

(2 Timotheus 1:7)

Een van die beginsels waarvolgens ons moet leef is die besef dat ons sondes vergeef is, die bloed van Jesus Christus het ons van al ons sondes gereinig.

Paulus verduidelik vir ons in Hebreërs 10:13-14 dat elke priester in die ou testament wel dag vir dag gestaan het om die diens waar te neem en dikwels dieselfde slagoffers te bring wat tog nooit die sondes kan wegneem nie; maar Jesus het, nadat Hy een slagoffer vir die sondes gebring het, vir altyd gaan sit aan die regterhand van God en wag nou verder totdat sy vyande gemaak is ’n voetbank van sy voete.

Vir ons om in oorwinning te leef moet ons besef en glo dat dit wat Jesus vir ons gedoen het genoeg was om ons sondes weg te was sodat ons weer saam met God kan wandel. Hebreërs 10:14-15 "Want deur een offer het Hy vir altyd volmaak die wat geheilig word. En ook die Heilige Gees gee aan ons getuienis.

In vers 16 en 17 sien ons dat God 'n verbond met ons gesluit het waar Hy Sy wette gee in ons harte, en dit in ons  verstand inskryf en nie meer aan ons sondes en ongeregtighede  dink nie.

Ons moet dus leer om onsself te sien soos wat Hy ons sien en werklik begin glo dat ons deur die een offer van Jesus volmaak gemaak is en ook geheilig is.

Om in die lig te wandel, soos Hy in die lig is, beteken om te glo dat jy deur Jesus se dood en opstanding gered is en nie toelaat dat vrees  en wêreldse begeertes jou lewe oorheers nie.

Die Koninkryk van God is geregtigheid, vrede en blydskap in die Heilige Gees en dit is wanneer ons glo dat ons deur genade gered is en deur God in Christus geplaas is dat ons  vrede en blydskap ervaar wat ons verstand te bowe gaan, ten spyte van ons omstandighede.

In die ou testament het ons gesien hoe die bloed van 'n lam, wat na Jesus se offer vir sonde verwys het, wat op die deurposte van die Israeliete gesmeer is hulle beskerm het teen die dood, hoeveel te meer sal God Sy kinders wat deur die bloed van Jesus gereinig is beskerm teen sonde en die dood.

Romeine 8:32-33 "WAT sal ons dan van hierdie dinge sê? As God vír ons is, wie kan teen ons wees? Hy wat selfs sy eie Seun nie gespaar het nie, maar Hom vir ons almal oorgegee het, hoe sal Hy nie saam met Hom ons ook alles genadiglik skenk nie?

Romeine 8:28-29 sê dat  God ons wat Hy vantevore verordineer het, dié het Hy ook geroep; en die wat Hy geroep het, dié het Hy ook geregverdig; en die wat Hy geregverdig het, dié het Hy ook verheerlik.

Die duiwel en sy magte gaan net soos met Adam en Eva jou wil versoek en goed sê soos: "Dink jy regtig dat God jou onvoorwaardelik liefhet?", dink jy werklik dat jy gered is?, dink jy regtig dat God jou teen die Corona virus kan beskerm as daar al soveel mense dood is?".

Dit is belangrik om nie toe te laat dat hierdie gedagtes jou affekteer en daarop te broei nie, die duiwel is 'n leuenaar en skep vrees wat ons gedagtes van God af wil haal en ons op sonde en die die dood laat fokus.

Jesaja 26:3 "U sal ’n standvastige gesindheid in volle vrede bewaar, want hulle vertrou op U. (You will keep him in perfect peace, Whose mind is stayed on You)

Vertrou op die Here vir ewig, want in die Here Here is ’n ewige rots".

Ek hoop jy kan sien hoe belangrik dit is om te glo dat jy gered is en dat God jou in Christus geplaas het waar jy absoluit veilig is.

Moet dus geen gedagtes wat negatief is aanvaar nie, vervang elke gedagte met die waarheid.

In pleks van wonder of jy miskien gaan siek word begin eerder glo dat net soos die bloed aan die deurposte die Israeliete teen die dood beskerm het word ons beskerm omdat die bloed van Jesus ons gereining het en ons God se tempel is waarin Hy woon.

Maak Psalm 91 deel van jou daaglikse lewe en glo dat jy nie hoef te vrees vir die skrik van die nag, vir die pyl wat bedags vlieg nie, vir die pes wat in die donker wandel, vir die siekte wat op die middag verwoes nie!

Al val daar duisend aan jou sy en tienduisend aan jou regterhand —na jou sal dit nie aankom nie.

DEEL ASSEBLIEF HIERDIE GOEIE NUUS.

LEER OM GOD TE LOOF EN PRYS ONDER ALLE OMSTANDIGHEDE

LEER OM GOD TE LOOF EN PRYS ONDER ALLE OMSTANDIGHEDE

Psalm 47:2-3 "Alle volke, klap met die hande; juig tot eer van God met ’n stem van gejubel!

Want die Here, die Allerhoogste, is gedug, ’n groot Koning oor die hele aarde".

Hier sien ons duidelik dat die aarde aab God behoort en dat die duiwel en Sy magte geen reg of outoriteit het om oor die aarde te regeer nie. 

Wat min mense besef is dat God die aarde vir die mens gegee het, ons is hier geplaas om te regeer en God se liefde en heerlikheid te demonstreer - Psalm 115:16 "Die hemele is hemele vir die Here, maar *die aarde het Hy aan die mensekinders gegee* ".

Genesis 1:26 "En God het gesê: Laat Ons mense maak na ons beeld, na ons gelykenis, en laat hulle heers oor die visse van die see en die voëls van die hemel en die vee *en oor die hele aarde* en oor al die diere wat op die aarde kruip".

Ons is gemaak om te heers oor omstandighede en is nie gemaak dat omstandighede ons moet beheer of oor ons moet heers nie.

Ons moet dus nie omstandighede en siekte en probleme sien as iets om ons onder te kry nie maar besef dat dit daar is om ons te help om te ontdek wie ons werklik is.

Hoe gaan jy weet dat jy 'n oorwinnaar is as jy nooit iets oorwin nie, hoe gaan jy weet dat jy 'n wenner is as jy nooit aan 'n kompetisie deelgeneem het nie.

God het elkeen van ons op aarde geplaas waar Hy wil hê ons moet wees en heers waar ons is, ons moet in beheer wees.

Handelinge 17:24-28 "Die God wat die wêreld gemaak het en alles wat daarin is, Hy wat Here van hemel en aarde is, woon nie in tempels met hande gemaak nie.

Ook word Hy nie deur mensehande gedien asof Hy aan iets behoefte het nie, omdat *Hy self aan almal lewe en asem en alles gee*.

En Hy het uit een bloed al die nasies van die mensdom gemaak om oor die hele aarde te woon, terwyl Hy vooraf bepaalde tye en die grense van hulle woonplek vasgestel het,

sodat hulle die Here kon soek, of hulle Hom miskien kon aanraak en vind, *al is Hy nie ver van elkeen van ons nie*;

want *in Hom lewe ons, beweeg ons en is ons*, soos sommige van julle digters ook gesê het: Want ons is ook Sy geslag.

Dit wat in die wêreld gebeur is dus nie om ons onder te kry en dood te maak nie, dit is 'n geleentheid vir mense om die Here te soek en te vind.

Lees mooi wat daar geskryf staan: "In Hom lewe ons, beweeg ons en is ons".

Dit maak natuurlik nie sin nie want jou sintuie met jou verstand sê vir jou dat jy net op die aarde is en dat dit wat jy sien, hoor, voel, ruik en proe jou enigste realiteit is.

Hierdie realiteit wat ons ervaar is net natuurlik en nie geestelik nie. 

Daar is 'n groter realiteit as wat ons dink en sien en dit is die realiteit waar ons deur geloof in Christus is, waar ons in die wêreld is maar nie van die wêreld is nie.

Kolossense 3:1-3 "AS julle dan saam met Christus opgewek is, soek die dinge daarbo waar Christus is en aan die regterhand van God sit.

*Bedink die dinge wat daarbo is, nie wat op die aarde is nie*. Want julle het gesterwe, en julle lewe is saam met Christus verborge in God".

Dit is seker een van die belangrikste opdragte vir elke gelowige, jy kan nie vaskyk in omstandighede en glo dat dit wat jy sien en ervaar jou enigste realiteìt is en dat daar niks of niemand is wat jou kan help nie.

In Efesiërs 1:17-22 sien ons dat ons weens onkunde nie in oorwinning leef nie en dat ons moet bid en vra dat God aan ons die Gees van wysheid en openbaring in kennis van Hom mag gee.

Dit beteken letterlik dat ons oë verlig of oopgemaak moet word sodat ons anders kan dink en sien soos wat God sien en nie soos wat ons dink nie.

God get elkeen van ons geroep met 'n heilige roeping en in Christus geplaas om te kan ontdek wat die rykdom van Sy heerlikheid in Sy kinders is.

Omstandighede en situasies in die wêreld gaan gereeld vir ons soos reuse lyk wat ons nie kan oorwin nie, maar soos Jesus gesê het, Hy het die wêreld klaar oorwin.

Paulus leer ons ook om te bid sodat ons die uitnemende grootheid van God se krag deur geloof in ons kan beleef.

Dieselfde krag van God wat gewerk het in Christus toe Hy Hom uit die dode opgewek het en Hom laat sit het aan sy regterhand in die hemele, bo alle owerheid en mag en krag en heerskappy en elke naam wat genoem word, is binne in ons wat glo.

Dit is hierdie bewustheid van God, wat in ons leef, wat dit moontlik maak om nie te vrees en in absolute oorwinning te kan leef.

Luister wat Jesus gesê het - Johannes 5:30 "*Ek kan uit Myself niks doen nie*. Soos Ek hoor, oordeel Ek; en my oordeel is regverdig, omdat Ek nie my wil soek nie, maar die wil van die Vader wat My gestuur het.

Ek glo vandag se boodskap help jou om 'n reis te begin waar jy God regtig begin soek en Hom vind en in oorwinning begin leef.

Dit begin deur in Jesus te glo en te aanvaar dat Hy die Seun van God is en dat Hy vir jou sonde en siekte gesterf het en Sy stem te hoor en doen wat Hy jou inspireer om te doen.

DEEL ASSEBLIEF HIERDIE BOODSKAP.

KEUSES

Grondliggend aan enige vorm van Oriëntering van watter aard ook al, lê die grondslae van “kies” of “besluite neem”. Hoewel elke individu sy eie besluite kan neem, is daar opvoedingsituasies nodig wat jou kan begelei om op ‘n verantwoordelike en verantwoordbare manier besluite te neem. Ons hoofdoel is om jou in hierdie keuses te begelei. 

Jou ouers speel ‘n primêre rol in die keuses wat jy gaan maak, maar sekondêr gaan jou onderwysers,werkgewers, dosente, vriende, trouens alle betekenisvolle persone jou lewe, ‘n beduidende invloed op jou keuses hê wat jy nou, maar ook wat jy as volwassene gaan maak. 

Jy as jongmens moet daagliks keuses uitoefen. Sommige van die keuses is maklik om te maak, ander is moeiliker en sommige is problematies. As Christen berus dir keuse-faktor in die 21ste eeu grontendeels by jou opvoeding, want waar daar in die verlede streng Christelike wette teen wanprakryke en sondige optrede op ons werboeke gestaan het, moet jy vandag self besluit hoe jy gaan optree.

Sondag-sport en handeldeyf op ‘n sondag was byvoorbeeld verbied deur streng wetgewing in hierdie verband. Vandag is dit jou kreuse of jy dit wil doen of nie. 

Pornografie en ander vorme van geestelike aftakeling was streng verbode, maar vandag is dit beskikbaar. 

In die verlede was die owerheid se besluitneming geskoei op Christelike beginsels, maar vandag word die handves vir menseregte beskou as die belangrikste maatstaf. 

JOU KEUSE-VERANTWOORDELIKHEID IS DUS BAIE BELANGRIK !!!

JOU CHRISTELIKE LEWENSBESKOUING AS BEELDDRAER VAN GOD

JOU CHRISTELIKE LEWENSBESKOUING AS BEELDDRAER VAN GOD

As jy sê dat jy ‘nChristelike lewensbeskouing huldig, beteken dit dat jy alles beskou vanuit Christelike perspektief. Christus speel dan die belangrikste rol in jou lewe. ‘n Christelike lewensbeskouing is hoe ‘n Christen homself en die hele lewe sien en hoe hy sy siening toepas in die lewe. 

Om ‘n Christen te wees beteken dat jy jou “eie ek” moet kruisig en dat Christus in jou moet lewe. Die Here Jesus stel dit so in Matt. 16:24-25

“As iemand agter My aan wil kom, moet hy homself verloën, sy kruis opneem en My volg, want wie sy lewe wil behou, sal dit verloor, maar wie sy lewe ter wille van My verloor, sal dit terugkry.”

Daarom is dit nie meer ek wat lewe nie, maar Christus wat in my lewe. 

As Hy in my leef, dan leef ek soos Hy wil hê ek moet lewe. As Christus in jou leef, is die lewe anders. Jy sien die wêreld anders, want jou oë is deur Christus genees. Dan leef en werk jy om dit wat jy sien wat verkeerd is, te verander, sodat alles beantwoord aan die wil van Christus. 

Ons leer ken die wil van Christus uit sy Woord, die Bybel. Die belangrikste beginsel is vervat in die wet van die Here. 

Matt. 22:37-40 “Jy moet die Here jou God liefhê met jou hele hart en met jou hele siel en met jou hele verstand. En die tweede, wat hiermee gelykstaan, is: Jy moet jou naaste liefhê soos jouself. In hierdie twee gebooie is die hele wet en die profete saamgevat.”

Hierdie lewensbeginsel geld vir elke Christen, ryk of arm, geleerd of ongeleerd. Dit geld ook onder elke lewensomstandigheid. In die kuns, die wetenskap, jou skoollewe, jou sport, jou sedelike lewe, oral, moet die Christelike beginsels geld. 

Christus leef in jou, so alles wat jy doen en sê moet tot sy eer geskied.

Die liefde tot God is ‘n Christen se eerste lewensbeginsel. Is dit ook jou eerste lewensbeginsel? Daarom soek ‘n Christen ook in alles wat hy doen of sê die beswil van sy medemens, want hy het hom lief soos hu homself liefhet.

‘n Christen moet dus oral en altyd ‘n getuie vir Christus wees. 

In Matt 15:16 lees ons:

“Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik.”

‘n Christen leef uit genade. Dit is nie ons goedheid of werke wat ons red nie, maar slegs die genade van ons Here Jesus Christus. 

Omdat jy beelddraer van God is, moet jy eerbied vir jouself hê:

• Jou liggaam moet vir jou heilig wees, want God het dit geskape na sy ewebeeld. Jy mag dus nooit jou liggaam misbruik of verneder deur verkeerde dade nie. Jou liggaam is die lewende tempel van die Heilige Gees en moet aan God gewy word.

1 Kor. 6:19 “Of weet julle nie dat julle liggame ‘n tempel is van die Heilige Gees wat in julle is, wat julle van God het, en dat julle nie aan julleself behoort nie? 

:20 Want julle is duur gekoop. Verheerlik God in julle liggaam en in julle gees wat aan God behoort.

• Jou woorde kry nuwe waarde, want God weet wat dit sal wees lank voordat jy dit uitspreek. Jy mag nie in die teenwoordigheid van God onreine of onwelvoeglike dinge sê nie. Dink maar daaraan hoe lelik praat jongmense soms onder mekaar. Hierdie beginsel geld vir die speelterrein, die sportveld, klaskamer, jou huis, oral waar jy beweeg. 

• Jy moet jou gedagtes suiwer hou. Die Here ken jou gedagtes. Daar hoort nie lelike dinge in jou gedagtes nie. 

God weet alles van jou en weet dus van jou verkeerde dade nog voor jy dit doen. Omdat jy Hom eerbiedig, moet jy ook eerbied vir jouself hê en moet jy alles wat deel van jou menswees uitmaak, met eerbied bejeën. Jy moet elke dag groei in waarde vir jouself omdat jy elke dag meer en meer bewus raak van die teenwoordigheid van jou Hemelse Vader in jou lewe.

VRAE:

1. Wat beteken dit in die praktyk om te sê dat jy ‘n Christelike lewensbeskouing huldig?

2. Waaruit leer ons die wil van Christus ken?

3. Watter baie belangrike Chrislike beginsel is vervat in die wet van die Here?

4. ‘n Christen leef uit ............

5. Hoekom moet jy eerbied vir jou liggaam hê?

DINK JY MEER VAN JOUSELF AS WAT JY MOET?

DINK JY MEER VAN JOUSELF AS WAT JY MOET?

Nadat jy in Graad 8 amptelik in die hoërskool is, voel die senior leerlinge in jou skool dalk dat jy weer ‘n bietjie terug aarde toe gebring moet word. In hulle oë dink jy dalk te veel van jouself of is jy waarskynlik nie nederig genoeg na hulle mening nie. Met ‘n meerderwaardige houding sal jy beslis in Graad 8 jou rieme styfloop!

Jy prestreer dalk goed op sportgebied of in jou akademie, of blink uit op ‘n ander terrein en is dalk in Graad 7 baie opgehemel as gevolg van jou goeie prestasies. 

Waak daarteen om nie meer van jouself te dink as wat jy moet nie. Die talente wat die Here vir jou gegee het, maak nie van jou ‘n beter mens as iemand anders nie. Moet nooit windmakerig of grootdoenerig oor jou prestasies wees nie.

Die feit dat jou pa ryk is, gee jou ook geen rede om te dink jy is beter as ander mense nie. Die aansien of posisie van jou ouers, hul status of die tipe motor wat jou pa of ma ry, maak nie van jou ‘n beter mens as enige van jou klasmaats nie. 

Inteendeel, dit gee jou slegs rede tot dankbaarheid. 

In die Bybel word daar op verskeie plekke na hoogmoed verwys, omdat dit ‘n van die vroegste tye af ‘n probleem was wat by mense na vore gekom het. 

Mens kan gewoonlik in iemand se oë sien as hy / sy hoogmoedig is. Dit is een van jou sintuie wat jou hoogmoed heel eerste verraai, want jou oë word beskou as die vensters van jou siel. 

In die verklarende woordeboek word na hoogmoed verwys as ‘n abnormale gevoel van eie waarde, trotsheid, verwaandheid of hovaardigheid. 

Dit is interessant om daarop te let dat die Ou Testament veral van die woord “trots” gebruik gemaak word in plaas van “hoogmoed” Hierdie trots verwys natuurlik na die negatiewe tipe trots wat na hoogmoed verwys. In die Nuwe Testament word die term “hoogmoed” gebruik. 

Hoogmoed is vir God ‘n steen des aanstoots. Hy wil nie hê ons moet hoogmoedig wees nie en daarom word ons herhaaldelik in die Bybel daarteen vermaan.

GOD HOU NIE VAN HOOGMOED NIE - INTEENDEEL, HY HAAT DIT!

Ps. 101:5 “... hy wat hoog van oë is en trots van hart, hom verdra ek nie.”

Spr. 6:16-17 “Hierdie ses dinge haat die Here, en sewe is vir sy siel ‘n gruwel:

trotse oë, ‘n leuenagtige tong ...”

Spr. 8:13 “Die vrees van die Here is om te haat wat sleg is; hoogmoed, en trotsheid en ‘n slegte wandel en ‘n huigelagtige mond haat ek”

HOOGMOED IS ‘N BOOSHEID EN MAAK JOU ONREIN.

Mark. 7:20-22 “En Hy sê: Wat uit die mens uitgaan, dit maak die mens onrein. Want van binne, uit die hart van die mense, kom slegte gedagtes, egbreuk, hoerery, moord, diewery, hebsug, boosheid, bedrog, losbandigheid, afguns, lastering, hoogmoed, dwaasheid. 

Al hierdie booshede kom van binne uit en maak die mens onrein.”

GOD WEERSTAAN DIE HOOGMOEDIGES (Weerstaan beteken teenstaan of opponeer).

Jak. 4:6 “God weerstaan die hoogmoediges, maar aan die nederiges’ gee Hy genade”

1 Pet. 5:5 “Net so moet julle, jongeres, aan die oueres onderdanig wees; en wees almal met ootmoed bekleed in onderdanigheid aan mekaar, want God weerstaan die hoogmoediges, maar aan die nederiges gee Hy genade.”

GOD LAAT DIE HOOGMOEDIGES TOT ‘N VAL KOM.

Spr. 15:25 “ Die Here ruk die huis van die trotsaard om ...”

Spr. 16:18 “Trotsheid kom voor die verbreking en hoogmoed kom voor die val”

Matt. 23:12 “Wie homself verhoog, sal verneder word, en wie homself verneder, sal verhoog word.”

In Rom. 11:20 kry ons ‘n direkte vermaning:

“Moenie hoogmoedig wees nie ...”

Ons kry in die Bybel talle voorbeelde van mense wat hoogmoedig was en wat met hullr gebeur het as gevolg van hulle hoogmoed, bv.

Nebukadnezar: Eseg.29

Moab: Jer. 48:29-31

Die koning van Babel: Jes. 14:11-14

Jesus Christus is dwarsdeur die Bybel vir ons ‘n voorbeeld van nederigheid. Sy wandeling op aarde het gespreek van nederigheid: gebore in ‘n krip, sy vader ‘n ambagsman, sy bemoeienis nie met rykes en belangrikes nie, maar met nederiges, siekes, ens. Hy ry op ‘n donkie Jerusalem binne. En Hy is die koning van konings! Niks aanstellerig nie, nooit hoogmoedig nie. 

WIE IS ONS OM HOOGMOEDIG TE WEES?

In Fil. 2:3-4 staan

“Moenie iets doen uit selfsug of uit ydele eer nie, maar in nederigheid moet die een die ander hoër ag as homself”

KAN MENSE JOU GLO?

KAN MENSE JOU GLO?

As christen - Afrikaner behoort dit vir jou ‘n eer te wees om die waarheid te praat en eerbaar te wees. Mense moet jou dus op jou woord kan neem en jou kan vertrou. Jy moet ook te alle tye opreg wees. 

Jy weet self dat ‘n vals noot op die klavier, of ‘n vals stem in die koor mens dadelik opval en heel waarskynlik vreeslik kan irriteer. Mense wat vals en nie eerlik is wat hulle doen nie, het dieselfde uitwerking op ‘n mens. 

In Spr. 4:18-27 praat due Spreuke-digter met sy seun oor opregtheid van hart. In vers 23 kom dit duidelik na vore hoe belangrik die hart vir die mens is. 

“Bewaar jou hart meer as alles wat bewaar moet word, want daaruit is die oorsprong van due lewe.”

Jou hart is soos ‘n veilige plek waar alles bewaar word wat vir jou kosbaar en jou eie is, maar in jou hart kan jy ook allerhande vuilhede en boosheid bewaar. Iets waaroor die Bybel met ons praat is valsheid van hart. Daar is min dinge so afskuwelik soos valse vrienskap, valse woorde en valse liefde. Al hierdie valshede kom uit die hart van die mens.

Hoe lyk iemand wat vals is?

Hy/sy dra gewoonlik ‘n denkbeeldige masker. Dit beteken dat mens nie regtig weet wie die persoon is nie, want hy/sy is geveinsd, m.a.w skynheilig. Selfs Christene is dikwels gemasker. 

So ‘n persoon is dubbelhartig (sy/haar hart op meer as een plek) - ‘n tweegesig. 

Dit is iemand wat jy nie kan vertrou nie. Iemand wat ander mense maklik bedrieg. 

So ‘n persoon is gewoonlik ‘n lou Chtisten ( nie koud of warm nie.)

Wat leer die Bybel oor valsheid?

• Valsheid is vir die Here ‘n gruwel. Hy haat skyn vroomheid. 

Spr. 11:1 “n Valse weegskaal is vir die Here ‘n gruwel, maar in ‘n volle gewig het Hy behae.”

Spr. 20:23 “Twee soorte gewig is vir die Here ‘n gruwel, en ‘n valse weegskaal is nie goed nie.”

Spr. 12:22 “Valse lippe is vir die Here’n gruwel, maar Hy het ‘n behae in die wat getrou handel.”

Hierdie opregtheid en eerlikheid geld ook ten opsigte van die Afrikaner volk waaraan jy behoort en die skool of instansie wat jy verteenwoordig. Trek jy slegs voordeel uit om eie gewin of is jy hart en siel daarin?

Opregtheid is vir God ‘n baie belangrike vereiste. In Ps. 15 maak ons kennis met een van die sterkste riglyne wat God aan sy kinders stel waarvilgens ons moet lewe. Die Psalms vra daar:

“Here, wie mag vertoef in u tent? Wie mag woon op u heilige berg?

En die antwoord kom:

“Hy wat opreg wandel en geregtigheid doen, en wat met sy hart die waarheid spreek.”

Die ware kind van God is nie die een wat dit met sy mond loop en vertel nie, maar die een wat in sy eie hart dag na dag ‘n felle stryd voer teen die kwaad. 

Onthou ‘n vals snaar kan ‘n hele orkes laat vals klink.

WANNEER JY LEUENS VERTEL

WANNEER JY LEUENS VERTEL

In die verhouding met jou ouers, onderwysers, maats en ander mense is dit baie belangrik dat jy eerlik moet wees en eerbaar moet optree. Ongelukkig speel leuens en oneerlikheid oor die eeue heen reeds ‘n groot rol en is dit ‘n groot probleem. Ons moenie dink dat dit net ongelowige mense is wat lieg en bedrieg nie, nee, dit kom dikwels  ook onder Christene voor. Elkeen van ons het een of ander tyd in ons lewe al ‘n leuen vertel.

Eerlikheid is iets wat van kleins af aangeleer word. Jou ouers is gewoonlik die eerste mense wat vir jou geleer het dat dit nie mooi is om te jok nie, daarna het jy dit ook geleer op ander terreine soos die kerk en die skool gehoor. Ongelukkig is dit so dat die mens van nature geneig is tot leuens. Dit is dan ook hoekom daar so baie in die Bybel oor hierdie neiging vermaan word.

Soms is dit vir ‘n mens moeilik om die waarheid te vertel en dit verg moed om ronduit met die waarheid uit te kom, want jy kan dan weer by ander mense in die moeilikheid kom, of iemand in ‘n swak lig stel. Sommige van ons weet ook hoe pynlik dit is om op ‘n leuen betrap te word.

Hoe wonderlik is dit om te weet dat dit wat ek vandag aan my vriende, of wie ook al vertel het nie vanaand die oorsaak van skaamte en verleentheid sal wees as ek in my stiltetyd met God praat nie.

Hoe kosbaar is ‘n mens op wie jy kan vertrou, omdat jy hom altyd kan glo!

Die geheim om met jou hele hart die waarheid te praat, is om veranker te wees in die geloof in Jesus Christus wat gesê het: 

Joh. 14:6 “Ek is die weg en die waarheid en die lewe...”

‘n Leuen is ‘n opsetlike onwaarheid of valsheid. ‘n Leuenaar is dus iemand wat opsetlik lieg of onwaarhede vertel.

Sielkundiges onderskei tussen 10 verskillende tipes leuens:

•Leuens om aandag te trek

Jy ken dalk kinders in jou skool of omgewing wat leuens vertel om aandag te kry. So ‘n persoon wil hê iemand moet vir hom luister en dan vertel hy/sy soms ‘n vreeslike wolhaarstorie, net om ander te beïndruk of dat iemand hom/haar moet jammer kry.

•Nabootsende leuens

Dit kom dikwels onder tieners voor waar ‘n persoon sal vertel hoe hy iemand op sy plek gesit het. Sulke persone boots graag ander mense se sêgoed na.

• Oordrywings-leuens

Dit is ‘n leuen wat op die waarheid gebaseer is, maar waar die waarheid oordryf word, bv. wanneer iemand vertel dat hy ure langs die pad moes sit en wag, terwyl dit net ‘n halfuur was.

• Die sogenaamde “wit” leuens

Dit is leuens wat dikwels uit lojaliteit vertel word. Jy wil nie heeltemal eerlik met iemand wees, of sy/haar gevoelens seermaak nie en vertel dus ‘n leuen.

• Verdedigings-Leuens

Dit is die tipe leuens wat Sara (Abraham se vrou) vertel het. 

Mense wat bang is vir straf, of vir ander gevolge van hul dade, vertel dikwels hierdie tipe leuens. Kinders sê dikwels “Ek het my boek by die huis vergeet” in plaas van te erken dat hy/sy nie die huiswerk gedoen het nie. “Ek het nie van die huiswerk geweet nie” in plaas van “Ek het vergeet”.

•Kompenserende leuens

Mense vertel soms leuns om hul eie tekortkominge te verberg bv.

as ‘n kleinerige outjie by ‘n nuwe skool kom en vertel dat hy ‘n bokskampioen is, of dat sy pa ‘n Springbokrugbyspeler is. Sulke kinders is ook geneig om antwoorde te gee wat hulle dink grootmense wil hoor, nie wat noodwendig die waarheid is nie.

• Fantasie-leuens

Dit is ‘n tipe leuen wat dikwels by klein kinders voorkom, bv. wanneer hy/sy vertel hulle ‘n groot hond by die huis het, maar daar is geen hond op hulle werf nie.

Al sewe bogenoemde soorte leuns is gewoonlik nie doelbewuste poging om te mislei nie en doen dus nie veel skade aan die medemense nie, maar dit doen tog die verteller skade. Mense gaan jou nie maklik weer glo nie en jy kan bekend staan as iemand wat oordryf of lieg. Maats kan met jou begin gek skeer en dit veroorsaak uiteindelik dat hulle jou eenkant toe skuif of jou verneder. Jou selfbeeld kry dan gewoonlik so ‘n knou dat jy nog erger pogings aanwend om aandag te trek en dan eindig dit onaangenaam.

WIE IS GOD?

WIE IS GOD?

Vir ons Christene is daar net een God. Ons stel dit met vaste oortuiging en geen vrees vir teenspraak deur die heiden of die ongelowige nie. Ons glo, en vir ons is dit dieselfde as om te weet, dat Hy die hemel en die aarde geskape het en dit van dag tot dag onderhou. 

Ons glo dat God die ewige en enigste God en Skepper van alle dinge is. Hy het alles uit niks geskape en niemand kan dit nadoen nie. Dit is so omdat hierdie Skapper-God almagtig is, alle wysheid besit en goed en alomteenwoordig is.

Deurt. 6:4 “Hoor Israel, die Here onse God is ‘n enige Here.”

Ons lees in Joh. 1:3 dat Hy die Skepper van alle dinge, en daarom ook van die mens is.

“Alle dinge het deur Hom ontstaan, en sonder Hom het nie een ding ontstaan wat ontstaan het nie.”

Ons kan God nie sien nie, want Hy is nie sigbaar vir die werklike oog nie. Hy is ook nie aan ‘n plek gebonde nie. Hy kan deur sy Gees oral besig wees om sy wil te laat geskied en daarom is Hy die bron van alle dinge wat op hierdie wêreld gebeur. Ons is dus afhanklik van God. Sonder God is ons nie ten volle mens nie. 

Hierdie God is die Majesteitlike, die Gans Andere, die Almagtige Skepper van hemel en aarde, ver bokant alles en almal verhewe. Due wonderlikste van alles is: Hy is nie ‘n God wat ver van ons is nie. Hy is by ons. Hy het deur Jesus Christus by ons gekom en deur die Heilige Gees in ons kom woon. 

Nog’n wonderlike voorreg en absolute genade is dat ons tot Hom kan bid en Hy hoor en verhoor ons gebede. Wanneer jy vir Hom vra om jou te help met jou skoolwerk, met krag en wysheid, wanneer jy in die nood is, om jou gesond te maak, ens. Sal Hy dit vir jou gee as Hy dink dat dit die beste vir jou is. 

Die voorwaarde is dat jy moet glo en sy Seun Jesus Christus as jou Verlosser en Saligmaker moet aanvaar. Al is Hy so groot en magtig, sal Hy jou nooit verlaat nie, want Hy is lief vir jou, want Hy is ‘n God van liefde.

VRAE:

1. Gee ‘n verwysing uit die Bybel dat God die enigste God is.

2. Skryf minstens 10 einskappe van God neer en verduidelik wat elke einskap beteken.

3. Watter voorwaarde word gestel vir jou geloof in God?

4. Gee ‘n aanhaling uit die Nuwe Testament wat God as Skepper beskryf.