Dag 3: Fases van ‘n “affair!”

Derde party versekering     Dag 3

Dag 3: Fases van ‘n “affair!”

Daar is 5 fases van ‘n “Affair:”

Gekyk
Matt. 5:27-29 – “Julle het gehoor dat daar gesê is: ‘Jy mag nie egbreuk pleeg nie.’ Maar Ek sê vir julle, elke man wat met ‘n wellustige oog na ‘n ander vrou kyk, het al klaar in sy hart egbreuk gepleeg. En as jou regteroog jou laat struikel, pluk dit liewer uit en gooi dit weg van jou af. Dit is vir jou beter dat een van jou liggaamsdele tot niet gaan as dat jou hele liggaam in die hel eindig.”
In die midde van die storm gee God die uitkoms. Kry klaar daarmee. Vat beheer oor die remote van die TV. Kanseleer daai plek wat jy op ingeteken het op die rekenaar.

Dit laat my dink aan die man wat saam met sy vrou Mall toe gegaan het en eweskielik loop daar ‘n “drop dead gorgeous” vrou verby. Die man kan homself nie keer nie en begin staar. Na so ‘n rukkie hoor die man ‘n stem: Dis sy vrou! Sy vra: “Was dit nou die moeite werd… die moeilikheid waarin jy nou is.”
Jy sien, voordat die vyand jou in die bed wil kry, wil hy eers in jou gedagtes kom. Maak toe daai deur!

Geklets – Pasop vir fb en whatsapp. Voor jy jou oë uitvee is jy in die moeilikheid. Die tye wanneer mense die aktiefste is op facebook is vanaf 9 uur in die aand. Dis die tyd wanneer jy in die bed lê en al die ligte af is. Wil ons rêrig met daai gedagtes aan die slap raak?
Watch your words – they become thoughts.
Watch your thoughts – they become actions.
Watch your actions – they become habits.
Watch your habits – they become character.
Watch your character – they determine your destiny!

Gekuier – “Pastoor, ek weet nie hoe werk dit nie, elke keer as ons by die werkspartytjies kom, eindig ons om met mekaar te gesels. Ons het dieselfde belangstellings!”

Gekonkel – Gaan gepaard met leuens!
Hebr.4:13 – “Voor God kan absoluut niks weggesteek word nie. Ons staan kaalgestroop en weerloos voor die Een aan Wie ons verantwoording moet doen.”

Gekroek – “Pastoor, jy sal dit nie glo nie, die een dag was ons nog vriende en die volgende dag het ons langs mekaar wakker geword.” My reaksie sal wees: “Jy lieg!”
Daar is soveel mense wat sê: “ Maar hoekom het God my versoek?” God sal nooit Sy bloudrukplan op die spel plaas sodat jou geloof getoets kan word nie. Jak. 1:13-15 – “Wanneer iemand iets verkeerds wil doen, moet hy nie sê: ‘God verlei my’ nie. Ons weet mos God kan nie verlei word om verkeerd te doen nie, en Hy verlei ook niemand nie. Ons eie sondige begeertes beproef ons, sleep ons saam en verlei ons. As ons sondige begeertes eers bevrug geraak het, is sonde die babatjie wat gebore word. En as hierdie babatjie kans kry om volwasse te word, gee dit geboorte aan die dood.”

GEBED:

Hemelse Vader, dankie dat U altyd te midde van die storm vir ‘n uitkoms sorg. Help ons om klaar te kry met hierdie sondige begeertes van ons. Die uiteinde daarvan is altyd die dood. Help ons om die gevaartekens van hierdie fases raak te kan sien en weg te draai daarvan. In Jesus Naam bid ons. AMEN!