Dag 4: Die 4 moeilikste sinne in ‘n huwelik

Derde party versekering Dag 4

Dag 4: Die 4 moeilikste sinne in ‘n huwelik.

Wat doen ek as ek klaar oortree het?
Jy gaan vir ‘n traumatiese amputasie. Hoe kap jy ‘n apie se stert af? Jy sê nie… Kom hier apie… Ek wil jou stertjie afkap nie. Jy vat hom vas, kap die stertjie net duskant sy boudjies af. Dit gaan bloei. Dit gaan seer wees, maar die genesingsproses kan begin.
Jy bel jou skelmpie voor jou vrou en maak klaar met daai verhouding. Toon berou! In Joh. 8 bring die Fariseers ‘n vrou wat op die daad van owerspel betrap is na Jesus en hulle wil haar stenig. Jesus sê vir haar: ‘Ook Ek veroordeel jou nie. Gaan maar en moet van nou af nie meer sonde doen nie.’
Beoefen die 4 moeilikste sinne in ‘n huwelik:
Ek is jammer
Ek was verkeerd
Vergewe my
Ek het hulp nodig
Pasop dat trotsheid jou nie weerhou om hierdie 4 sinne te beoefen nie!

GEBED:

Hemelse Vader, Dawid skryf in Psalm 51 net nadat hy owerspel gepleeg het die volgende: “Wees my genadig, o God! Skep vir my ‘n rein hart, o God. Gee my ‘n nuwe standvastige gees. Moenie my verban weg van U teenwoordigheid nie, en moenie U Heilige Gees van my af wegneem nie.” In Jesus Naam bid ons dit ook. AMEN!