WIE BOU DIE HUIS?”

WIE BOU DIE HUIS?”

Daar is diegene wat sê: "Ek kan nie meer nie, ek het probeer, maar niks werk nie." 'n Ouer huil en sê: "Ek het als gedoen wat ek kon, ek weet nie meer wat om te doen met hierdie kind nie.'' ‘n Paartjie is op pad na die egskeidingshof. Albei sê: "Ons het probeer, maar nou het ek genoeg gehad." En met 'n tou om sy nek staan 'n man op 'n kroegstoeltjie. Hy het dit alles verloor; sy huis, sy motor, sy werk of besigheid en ook sy vrou selfs.

En te midde van al die hartseer en pyn, stewig geplant tussen skuld en skaamte, is die ewige weergalmde vraag: "Wat het fout gegaan?" Hierdie vraag is beide universeel (die meeste mense het dit gevra) en persoonlik (Ja, soos baie van julle, ek het dit gevra)

En terwyl ek hieroor nadink, word ek herinner aan Psalm 127: 1 wat lui: " As die HERE die huis nie bou nie, tevergeefs werk die wat daaraan bou." Baie Engelse vertalings sê dat die werk van die bouers nutteloos is as die Here nie die huis bou nie. Die ERV Weergawe sê dat die bouers hul tyd mors wanneer die Here nie toegelaat word om die huis te bou nie. Die frikaanse Boodskap vertaling sê dat die bouers ‘n bouval bou wat enige oomblik inmekaar kan val.

Wat het fout gegaan? Ek het ‘n fout begaan. Ek het nie toegelaat dat die Here die huis bou nie. Ek het Hom nie vrye teuels in my lewe gegee nie. Ek het nie gebid "nogtans nie my wil nie, maar U wil geskied." Ek het die planne opgestel, die huis afgemeet, die fondament gegooi, die mure gebou en die dak opgerig. En toe die huis klaar gebou is, het ek teruggestaan en gedink: “Wat 'n groot gemors. O God, as ek net toegelaat dat U hierdie huis bou.”

Daarom bid ek: "Here, kom bou hierdie huis. Ek kan dit nie bou nie! "

Ek weet nie wat jy vandag ervaar nie. Al wat ek weet, is dat jy en ek dit nie alleen gaan maak nie. Jy en ek kan dit nie op eie houtjie doen nie. Ons moet God toelaat om deur Jesus Christus in ons te werk deur Sy Heilige Gees om die huis te bou. Kom ons laat Hom toe in ons huis, ons huwelik, ons kinders en ons finansies. Dan sal ons ook kan uitroep; “ Kyk wat die Here kan doen!”