Ons het ʼn wapen teen groot uitdagings

Ons het ʼn wapen teen groot uitdagings

1 Samuel 17:45

Maar Dawid skree terug: “Jy kom na my toe met ’n swaard en ’n spies en ’n swaard, maar ek kom na jou toe in die Naam van die Here, die Almagtige, die God van die magte van Israel wat jy staan en beledig.”

Aan die begin van die week het ons Goliat, Dawid en die Israeliete se boelie ontmoet. Dawid moes groot vertroue in God gehad het om Goliat aan te vat. Ons weet ook uit ons ervarings dat dit baie vertroue neem om op te staan teen groot uitdagings en boelies.

Ons boelies en ons uitdagings het, net soos Goliat, wapens waarmee hulle ons wil seermaak. Baie kere is die maniere wat dit seermaak nie noodwendig eers fisies nie, maar ook emosioneel. Ons is in die versoeking gestel om te dink dat ons uitdagings ons waarde verminder of ons glo ons boelies wanneer hulle sê ons is nie genoeg nie. Maar ons het ʼn beter wapen.

Ons wapen is die wete dat God ons lief het en ons daarom baie waardevol is. Ons moet nie bang wees om vas te staan in die beloftes wat God maak teenoor ons nie. Ons kan weet dat net soos met Dawid, God ons nooit sal verlaat nie. Hy staan aan ons kant. So as ander mense of dinge ons in gevaar stel, kan ons weet dat God daar is om ons nuwe krag te gee.

Ons het ʼn wapen om op te staan teen groot uitdagings.

Gebed: Dankie Heer dat ek in U krag teen my boelies en uitdagings kan kom staan. Wanneer ek mense teëkom wat my probeer seer maak met hulle woorde, help my om eerder te glo wat U van my glo: U is lief vir my en ek het ontelbare waarde. Amen.

Uitdaging: Noem een manier wat jy hierdie week vertel was dat jy nie goed genoeg was nie. Hou dit op teen God se liefde vir jou en hoe awesome hy jou geskep het. Weet dat jy soveel meer waarde het as dit wat ander van jou mag dink.