Selfs in gevaar, is God daar.

Selfs in gevaar, is God daar.

1 Samuel 17:17-18

17Op ’n dag sê Isai vir Dawid: “Vat sestien kilogram gebraaide koring en tien brode na jou broers toe in die militêre kamp. 18Gee hierdie tien stukke kaas vir hulle bevelvoerder. Kyk ’n bietjie hoe dit met jou broers gaan en bring iets saam om te bewys dat dit goed gaan met hulle.”

Daar is baie mense in ons lewens wat graag vir ons wil beskerm, hulle is bang dat ons seerkry. Dawid se broers was by die geveg gewees waar Goliat so trots gestaan het en gespot het met Israel, en Dawid se broers was baie sterker en ouer as hy. Tog was hulle ook net so bang soos die res van die Israeliete.

So Isai (Dawid se pa) stuur vir Dawid om vir sy broers kos te vat en sê vir Dawid hy moet ʼn bewys terugbring om te bewys dat hy by sy broers was en dat hulle okay is. Dit was duidelik ʼn baie gevaarlike plek waarheen Dawid moes gaan. En natuurlik is sy pa bang om hom na so ʼn gevaarlik plek te stuur.

Partykeer word ons ook gestuur in moeilike situasies in. Dalk word ons gelei na ʼn plek waar om die goeie dig te doen beteken ons word gespot en geterg. Maar wat ons nie moet vergeet nie is dat God aan ons kant is. As ons op God vertrou het ons niks om te vrees nie. Selfs al beweeg ons in moeilike plekke in en al gebeur daar dinge wat ons bang maak, sal God dit vir goed laat uitwerk as ons ons vertroue plaas in Sy goedheid. Dawid was bewus dat God by hom was.

Selfs in gevaar, is God daar.

Gebed: Dankie Here vir U groot liefde, mag ek in die week  net weer besef hoe naby U is. Ek weet U sal my nooit verlaat nie, selfs in tye van gevaar en vervolging.

Uitdaging: Stel jou selfoon wekker vandag vir ʼn random tyd. Wanneer dit afgaan, neem ʼn tydjie om te bid en net te besef dat God reg by jou is.