Moenie bekommer nie, vertrou!

Moenie bekommer nie, vertrou!

Matteus 6:25

Moenie gedurig loop en julle bekommer nie. Moenie van vroeg tot laat vra: ‘Gaan ek genoeg hê om te eet?’ of: ‘Gaan ek genoeg hê om aan te trek?’ nie. Die lewe gaan tog oor baie meer as kos en klere.

Was jy al ooit in ‘n situasie waar dit lyk asof jy net nie weet hoe jy deur die dag gaan kom nie? Miskien is dit nie net iets wat van tyd tot tyd gebeur nie, miskien is dit iets wat al heeltyd jou aandag neem. Dalk sukkel jou ouers met finansies en jy het geen idee hoe om te help nie?

Vir ons wat so voel, kom dit amper natuurlik om bekommerd te wees. Wanneer Jesus met ‘n groot groep mense praat, weet hy dat bekommernis ook hulle aantas. Dit is belangrik om te verstaan ​​dat Jesus se woorde hier nie beteken dat ons net moet deal met ons issues en maak of dit niks is nie. Nee, Jesus weet dat God die Vader omgee vir ons. Hy het nie probeer om mense te vertel dat hulle hul probleme net moet vergeet nie, maar eerder om nie daarop te fokus nie.

Terwyl ons omstandighede moeilik kan wees, moet ons nie bitter wees en God aankla dat Hy nie omgee vir ons nie. Dit is nie waar nie. God gee soveel om en Hy is by ons in ons moeilikheid. Ons moet die geduld hê om Hom eerste te vertrou en nie bekommerd te wees dat God niks sal doen nie.

Moenie bekommer nie. Vertrou.

Gebed: Vader God, ek weet U is groter as my bekommernisse. Dankie dat U altyd vir my sorg. Help my om meer op U te vertrou as wat ek oor my bekommernisse dink. Amen.

Uitdaging: Maak aan die einde van die dag ‘n lys van die dinge waarvoor jy bekommerd was. Hoeveel van hierdie bekommernisse het jy beheer oor? Het jy opgelet dat God werk ten spyte van jou bekommernisse?