Dag 5: Wat kan ek doen om my huwelik te beskerm?

Derde party versekering

Dag 5: Wat kan ek doen om my huwelik te beskerm?

Vra God vir hulp. Jy vra God om jou daai eerste liefde wat jy vir jou maat gehad het, weer te herstel. Pas 1 Kor. 13:7 toe. “Die liefde soek nie sy eie belang nie, die liefde is geduldig, dit hou nie boek van die kwaad nie.”

Respekteer mekaar – “Wees aan mekaar onderdanig soos die kerk aan Christus onderdanig is.”

Neill Anderson skryf in sy boek: “Setting your marriage free” dat daar ‘n kerk in Frankryk was wat geglo het mans sal beter luister as hulle deur mans geleer word en net so sal vrouens beter dinge beryp as hulle deur vrouens geleer word. Hulle beproef toe die stelling met ‘n volwasse mans klas en ‘n volwasse vrouens klas. Elkeen moes hulle gedagtes rondom die skepping deel en by ‘n finale punt uitkom.

Die vroue klas se bevinding van die skepping was: “God created man first and said: ‘I can do better than that and then He created the woman.’”
Die mans se bevinding was: “God created man first and all was peaceful and quiet, but it was too quiet, so He created the woman. Neither man nor God has had peace ever since!”

Kommunikeer met mekaar. Eva vra vir Adam… “Het jy my lief Adam?” Adam kyk rond en sê: “Wie anders!” Nee! Hy moes beter gekommunikeer het. Hy kon gesê het: “Eva, jy is die enigste vrou op hierdie aardbol vir my!”

Sit die romanse weer terug. Moenie geleenthede laat verbygaan om jou maat spesiaal te laat voel nie. As jy nie in Valentynsdag glo nie, moenie dit as ‘n verskoning gebruik om niks te doen nie. Dink mooi daaraan… God het die perfekte ambiance geskep vir Adam en Eva in die Paradys. Onthou: Jou liggaam behoort aan jou maat. 1 Kor. 7:4

GEBED:

Hemelse Vader, dis net U wat ons kan help en ons leer hoe om die huweliksmaat te wees wat U ingedagte gehad het. Ons kom lê nou ons eie behoeftes en verwagtinge voor U voete neer en vra dat U ons sal help om ons huweliksmaat te dien. In Jesus Naam bid ons. AMEN!