Dissipelskap...dit is n bekende term maar het jy al mooi gedink wat dit behels?

Dissipelskap...dit is n bekende term maar het jy al mooi gedink wat dit behels?

Die opdrag in Mattheus is duidelik..."Gaan dan heen, maak dissipels van alle nasies, doop hulle in die Naam van die Vader en die Seun."

Dissipel beteken "leerling" maw dit is n aaneenlopende leer proses. Dissipel making is n voortdurende oordrag van kennis.

Dit is geskryf dat ons alles in staat is deur God en ook dat ons alles en nog meer kan doen in die Naam van die Seun. 

Dissipel en dissipline loop egter hand aan hand. Die een val uit mekaar sonder die ander. 

Om gedissiplineerd te wees behels dat jy ten eerste die outoriteit oor jou moet verstaan. Dan moet jy weet wat die reels is en watter gedrag aanvaarbaar is en watter gedrag onaanvaarbaar is. Jy moet gesag aanvaar en ook die reels en opdragte uitvoer. Dissipline in jou geloofslewe is dus onontbeerlik in jou dissipelskap.

Voortdurende studie is belangrik, onontbeerlik. Hoe beter jy die reels verstaan hoe makliker raak dit om die opdragte uit te voer. Jy kan nie kies wat jy wil doen en wat jy nie wil doen nie. Netso kan jy nie net sekere dele van die Skrif toepas of uitvoer en ander dele net ignoreer oor jy n spesifieke siening daaroor het nie. Net soos die eienaarshandleiding vir jou motor al die moets en moenies bevat, net so bevat die Skrif al die moets en moenies.

Met dissipelskap volg jy in die spore van die leermeester. Van skool af luister jy na en volg jy die onderwyser en werk jy graad na graad op in jou onderig....nou waarom sal jy anders doen in jou dissipelskap? Hoekom sal jy die lering van die Meester juis verontagsaam? 

Jy moet elke dag in die klas wees om te groei en om te leer. Jy moet honger na kennis van die Woord.

Waar staan jy in jou dissipelskap?  Net jy kan dit beantwoord. En as jy eerlik wil wees skiet almal te kort. Die goeie nuus is egter dat ons dit kan verander. Die soeke na die waarheid moet nooit verlaat word nie. Die deur na die klas is oop....stap in en neem eienaarskap daarvan. Maak dit jou lewe rn strewe. Jy sal nie spyt wees nie. Amen.