God sal vir môre voorsien

God sal vir môre voorsien

Matteus 6:34

En julle moenie vandag bekommerd wees oor wat môre sal gebeur nie. Môre sal sy eie probleme hê waaroor julle bekommerd sal wees. So sal elke dag sy eie probleme hê.

Hoeveel keer het jy al voor ʼn groot uitdaging gestaan wat op jou pad was en dan toegelaat dat dit jou gedagtes opneem? Dis asof wat ookal ons doen, daar ʼn taak/uitdaging is wat veroorsaak dat ons ons bekommer. En in die tussentyd spandeer ons nie aandag op die dinge wat baie nader is nie.

Jesus vertel vir ons dat ons nie moet konstant dink aan môre nie, want vandag het genoeg probleme van sy eie. Dit is belangrik vir ons om die tipe vertroue te hê wat glo dat God ons nie net vandag sal help nie, maar selfs in die toekoms ook. Ons vergeet soms net hoe asemrowend God se kwaliteite is. God was in beheer gister, Hy is beheer van vandag en Hy is in beheer van môre ook.

As God in beheer is van ons toekoms en as ons, soos ons in die vorige vers gelees het, Hom eerste soek, kan ons werklik vrede hê in die lewe. Hierdie vrede gee ons die geleentheid om God na te jaag en in die proses gevorm te word in Sy liefde en voorsiening.

God sal vir môre voorsien.

Gebed: Heer, U is soveel groter en meer fantasties as wat ek kan verstaan. Help my om my vertroue te plaas in die feit dat U ook oor môre beheer het net soos vandag. Ek wil U vandag beter leer ken, so vat asseblief my stres vir môre in U hande… Amen.

Uitdaging: Met die eksamens wat waarskynlik op pad is, maak vir jouself iets wat jy in jou kamer kan hou om jou te herinner dat God selfs die toekoms in Sy hande dra.